1 Timoteo 6 - Kuruei Voa Nawawrea 1920

¹ A’a uriria oro aivara a’a piriakeina omo amua a’a oro avieinameki, Eloi inu nawi, Ekalesia ipawkia voa ane, mai‐voa kuruakeinavaia.

² Oro ane Ekalesia amua a’a oro e‐mi’ina, omo amua a’a oro lari pa ekavai uku oro aroa a’a keina, omo amua a’a oro kamaia‐ekavai limakina, uku omo iaki inu uru aua‐mia a’a oro pirimaroakoa a’a, omo kaupu unu a’a ane. Ei voa ipawkine, omoro kurune ane.

³ A’a voa e ipawkiane; voa ima miki, ene Amua Iesu Keriso onu voa, u lariliane, kurua ipawkia voa iaa opara evere’ena;

⁴ U lai kauakaua vaki, pauapaua vaki ane, u avu’avu rokona voa e kevakeva eiai, voa ane mere namani, voa kamukamu ane, anakaia voa ane, lai lipi ane, elemanena,

⁵ Kouamina voa ane lai rurupu a’a anu lai mere, oro inamu‐apua‐ekavakeina voa miki inu lai evera uriria eiai; oro laikorana iaa opara moni kavani mi’ina.

⁶ Iaa opara, lai kopai ane, paikiakeia’ane, kavani ovara uakeina.

⁷ Uku ei pani va’au ai eria enei mi‐anenave, eria enei mi?-?enavaili’ina pani va’au mere;

⁸ Pei, a’a kape ane, enei e?-?miane, enei kopaili’inamaki.

⁹ A’a aru mo’onu roikiai umuli’ina, ailia anu uai ai, ekene ai, oro ara’ana, avu’avu kukunu i’ima aila ai ane, oro oava ai a’a mumu‐ekana.

¹⁰ Moni inu umu mere lipi inu opara kavakava lala’ana; a’a varomo moni orau iawmiane euna, pirimaroakoa mere oro kekeaka‐erava?-?keia’ane euna, i kukunu aila oro ruakeia’ane euna.

¹¹ A ni, Eloi inu a’a e, ei awku mere ni area‐enavai limakina; opara anana, iaa opara ane, pirimaroakoa ane, umu ane, lai iviri ane, lai kekepa ane, ni evorone.

¹² Ni venea iki ni awkune pirimaroakoa anu a’epeaka eiai; opai rokoa a’akine, kurua rokoa eiai ni laea‐ni?-?lauakei’inave, ione ima ni iki e’eane euna a’a aila anu paku ai.

¹³ Eloi inu paku ai, U ane rokoa awku uriria U rokoa ekuna, Iesu Keriso paku ai ane, U ane Ponitio Pilato paku ai ima iki e’enave pirimaroakoa eiai, nai nikina;

¹⁴ Eloi inu Vupu kamaia‐ekane, uru upu, uru makiri ane, ni mi’inavaia anea’anea ene Amua Iesu Keriso ereane.

¹⁵ Una pani miki ai Una Erea U ipawkiakana, U ane U e kopai‐awkavakeina, Iva Amua ane ua‐rokona, amua uriria anu Amua, marevaki uriria anu Marevaki;

¹⁶ U ane U e opai rokoa anu uku mi’ina, pamea ai U ua‐pokoimakina arekamu ai a’a aneai liapea, a’a inamu‐oiape, u inamu‐oiai liapea; Opai avioia, iva ane, U mi’inamoki! Amene.

¹⁷ Ei pani va’au unu aru‐mia a’a ni ipekine oro lai kauakaua pa miai, omo araea’araea ane omo aru mo’onu upa mere oro pa la’?-?ekavai, Eloi rokoa pirimaroakoai ni ekine, U ane awku uriria U veruku akuna ene kopai eiai.

¹⁸ Ima iaki liai oro evere?-?vereai limakina, evere’eai limakina la’aruku awkuai, a’a pai’okavai ane.

¹⁹ Roikimakina awku ima oro eiai iru pani ai, opai rokoa oro a’akiane‐iai.

²⁰ Timoteo e, voa miki nikuakeina ni eivirine, mai‐voa, avu’avu voa mako ane, ave’eine, voa ane lai evera voa arauau oroiakeina ni larili’ine:

²¹ Lai evera voa ane a’a varomo arauau kuruane euna uku pirimaroakoa miki eiai, oro namea liane euna. La’aruku ni mi’ine. Amene.