1 Timoteo 4 - Kuruei Voa Nawawrea 1920

¹ Avaea kurunake kapoi ika pani ai a’a varomo pirimaroakoa mere kekeakana, ewaea avaea anu voa, diabolo onu ipawkia voa ane, kamaia‐limakeiakana;

² I a’a anu ewaea, oro ane arauau voa oro ipawkina, omo lai ane oro mi’ina iva auri orau aimiakeina;

³ A’a a’e aminavai oro eimakina, pei lariliai oro ekimakina, pei ane Eloi eane euna oro eiai oro kopai nava?-?’ane‐iai, oro ane oro voa miki pirimaroakona, ipali’ina ane.

⁴ Uku peipei kavakava Eloi eane euna u pei ima keina, u kopai au‐miakeia’?-?ane, peipei eria au‐awkava?-?keina:

⁵ Uku pei i Eloi inu voa, nawki‐awkava ane, iaa‐eakeina.

⁶ Ei e’ei aroa a’a ni ipekiane Iesu Keriso onu aivara miki ni keiakana, pirimaroakoa anu voa, ima ipawkia voa ane, laru ai ni na’amakina, voa ane ni e’e’okava’?-?ane euna, ni e’e’okana ane.

⁷ Mai‐voa, umu a’ero onu vinako voa ane, ni larili’ine; ni lai ipawkine uku iaa opara eiai.

⁸ Kape venea‐eai opara kape peo: a iaa opara ima keina opara kavakava eiai, uku kurua opara maura‐voa mi’ina eai rokoa eiai, rokoa ane eiai u aneliviai anelia.

⁹ Ei voa miki‐rokoa, ima ane, a’a uriria pirimaroakoai.

¹⁰ Ei uku eiai enei iaki limakina, anara voa mimakina ane, uku Eloi rokoa enei pirimaroakona, U ane U a’a uriria anu Iawka rokona, pirimaroakoa a’a anu Iawka kapoi.

¹¹ Ei voa vupu ekine, ipawkine ane.

¹² Uku ni roropaea a’a ni pa evere’eai a’a inaka‐nika?-?vai; uku ni voa, opara ane, umu ane, avaea ane, pirimaroakoa ane, lai urupu ane, ni aipo rokone ni Ekalesia kaupu avai ipinimiane?-?iai.

¹³ A’a anu paku ai Iaa Revareva oraiai, nanuku‐ekavai, omoro kurueai, ni eivirine anea’anea nai anea’ane.

¹⁴ La’aruku ni laru ai keina ni pa aikavai, la’aruku ane i laikorava voa nikuakei’inave mai‐oro onu eve ni uku upa mere aiakeiaka’?-?ane.

¹⁵ Ei kamaia iaki panipani ai li’ine, ni nane iki awkune oro eiai; uku a’a uriria inamu‐oiane‐iai ni lai evera la’amakina.

¹⁶ Nivirine, ni ipawkia voa ane. Iviri‐rokone ei awku eiai; ni orau liane, ni nikavakana, oro awku ni pawkia voa virina ni iekavakana.