1 Timoteo 3 - Kuruei Voa Nawawrea 1920

¹ Ei voa miki rokona, A’a Ekalesia iaki oiviriai umuliane, ima iaki u umuli’ina.

² Omoro a’a opara ima miai limakina, a’e monou e u miai limakina, opara oiviria a’a ane, lai kekepa a’a ane, opara ima a’a ane, kamaia a’a kikoro a’a eiai, lai evera a’a uku a’a e ipekiai;

³ Iara ere na’a a’a peo, vaki‐awmia a’a peo, manipu a’a peo, voaki a’a peo, iawmia a’a peo;

⁴ Una marea a’a u ima amua‐ekana, una ukua mere kamaia miki euniakeina.

⁵ (A’a una marea a’a amua‐ekavai ipaliape liane, Eloi inu Ekalesia u eka’?-?ama‐eivirimau?)

⁶ U Ekalesia a’a nawawrea liai liapea, i lai kauakaua u aranavaia, Diabolo orau u mua‐awkavakeinavaia.

⁷ Lai unuku a’a awkono avao ai ane uru ima u miai limakina, u anara‐awkava?-?keinavaia, Diabolo onu uai ai u aranavaia ane.

⁸ Orau awku uku diakona a’a, avioia a’a anu uru oro miai limakina, voa rere a’a peo, iara ere na’a a’a peo, manipu a’a peo moni eiai;

⁹ Pirimaroakoa anu vaua?-?vaua miki i lai parea oro a’akiai limakina.

¹⁰ Ei a’a anu opara pinai ipinamoki, omo opara urupu keia’ane, diakona a’a orau oro kamaiali’inameki.

¹¹ Orau awku uku diakono a’e, oro lai kevere?-?kevere a’e enu uru miai limakina, omoro nouia a’e peo, uku opara kavakava oro lai kekepa a’ero, miki‐rokoa a’ero ane.

¹² Diakono a’a u a’e monou e mi’inamoki, una ukua mere, una marea a’a ane, u ima amua‐ekana?-?moki.

¹³ Uku oro ane diakono onu iaki oro ima liane euna, eai oro eiai avioia uru oro mimakina, voa mere awku oro mimakina pirimaroakoa omoro kuruai Keriso Iesu ai.

¹⁴ Ei voa nai kikirinina, a nai araea’araea‐limakina maura pani aneai, inamu‐niai ane.

¹⁵ Nai ema aneape liane, nai eai kikirina, ni paioka voa miane‐iai uku niravai Eloi inu marea a’a ipekiai. Oro Eloi rokoa anu Ekalesia, oro voa miki inu aipua, u’uri ane.

¹⁶ Voa kamukamu eria uakeina ei voa eiai, ene pirimaroakoa anu vauavaua ovara uakeina: a’a laru ai Eloi ipawkiakei’inave, Una ipawkia voa i Avaea anana‐eakei’inave, i aivara avaea U inamu‐oiakei’inave, Una uru upurukiakei’inave lai unuku a’a awkono avao ai, pani va’au ai U pirimaroa?-?koakei’inave, evao’evao ai U ekeakei’inave.