1 Timoteo 2 - Kuruei Voa Nawawrea 1920

¹ Na pinai voa eire, nawki, nanuku ane, kopai voa ane, awkanameki, a’a uriria eiai;

² Amua a’a eiai, mai‐oro uriria eiai ane, uku lai iva’iva, airu ane, opara iaa, anana ane, enei rokoane‐iai.

³ Uku ei opara anana, kopai‐awkava keina ane, Eloi ene Iawka anu paku ai;

⁴ U ane U umulimakina a’a uriria i’ekavakeiai, lai evera iki miai ane voa Miki eiai.

⁵ Uku Eloi monou e ua?-?rokona, Eloi, a’a ane, mokono ai, Iawka a’a monou e ua‐rokona, U ane U a’a Keriso Iesu;

⁶ U ane Una nane inaea?-?kavani U awkunave a’a uriria eiai, ei voa anu miki pani miki ai ioneliakeina,

⁷ Ei voa eiai omoro a’a, Iva a’a ane, nai evere’i’iakeia’ane euna, (Voa miki nai kurumakina, voa arauau peo;) lai unuku a’a anu omoro a’a pirimaroakoa eiai, voa miki awku eiai.

⁸ Ou uku eiai, a’a mako?-?mako ai nawki‐awkavai nai umuli’ina, iaa eve Eloi i la’ekamakina voa kamukamu oro kouaminavaia.

⁹ A’ero ane a’a kape miki luki‐emiai nai umuli’ina, paku kekepa, makiri peo, oro miai, omo kimari eiri, koaka ane, oro vaupa pa liai, kavani ovara vaupa aru oro pa lukiai,

¹⁰ A’ero orau oro iki e’?-?emakina oro iaa a’ero, opara ima anu vaupa oro lukinameki.

¹¹ A’e lai iva’iva, lai kamaia iki ane, ipawkinamoki.

¹² A’e omoro kuruai nai a‐evere’enakea, u a’a pa amua‐awkavai ane, u eiekavai limakina.

¹³ Uku Adamu pinai eakei’inave, neko mere ai Eva eakei’inave.

¹⁴ Adamu ewaea‐a‐awka?-?vakei’inavea, a una a’e ewaea‐awkavakei’inave, u namea kei’inave ane.

¹⁵ A’e una vaki ane pirimaroakoa, umu ane, iaa opara ane, rokoane, i’ima liape liane, a’e iawkavakeiakana una ukua kinia pani ai.