1 Timoteo 1 - Kuruei Voa Nawawrea 1920

¹ I Eloi ene Iawka anu lai, i Amua Iesu Keriso ane, U ane U ene araea’araea rokona, nai Paulo Iesu Keriso onu Iva a’a keina;

² Timoteo eiai, na mere miki pirimaroakoa anu opara eiai. La’aruku, umu ane, airu ane, ni e‐mi’ine, Eloi ene Mai mere, Iesu Keriso ene Amua mere ane.

³ Nai Makedonia ai aki enamakei’inave’ane ni Epeso ai pokoi‐liviai nai nanuku?-?nikanave, uku a’a varomo ni ekiane‐iai arauau voa pa ipawkiai,

⁴ Vinako voa, voa ane uku kiri‐a’a eiai, oro pa viriai; voa ane oro voa e kevakeva paiokana, oro iaa paioka eria mi’ina orau uakeina pirimaroakoa voa ai. Orau eai nai nanuku‐nikana.

⁵ Vupu unu uku umu miai, umu ane umu urupu mere inana, lai parea mere ane, pirimaroakoa miki mere ane.

⁶ Ei awku mere a’a varomo oikiane euna, voa kape ai oro pawru‐enava’ane euna ane.

⁷ Vupu unu ipawkia a’a evere’eai oro umuli’ina, omo voa anu miki oro a‐ipali’inakea, orau awku uku voa oro ipawkimakina.

⁸ A’a Vupu anana kamaialiane, enei ipali’ina Vupu ima keina,

⁹ U ipalimakina ane Vupu liakeiapea opara anana a’a amua‐awkavai, a uku vupu‐eria a’a eiai, inaka?-?lia a’a ane, lai unuku a’a ane, namea a’a ane, iaa eria a’a ane, mai‐voa a’a ane, oro awku eiai oro omo mekai naea, mei naea, vaki‐emi’ina, ave a’a eiai ane,

¹⁰ Eve’eve a’a eiai ane, sodoma‐lia a’a eiai ane, inaealia a’a eiai omo a’a oro inaea‐elauna, arauau a’a eiai ane, onailia a’a eiai ane, opara e kavakava ane ima ipawkia voa mani‐awkana;

¹¹ Eloi Ima anu Iva voa mikiriapea, Iva voa ane ikuakeia’ane euna nai oiviriane‐iai.

¹² Keriso Iesu ene Amua nai kopai‐awkana, U ane U iva‐i’iane euna, uku U evere’?-?i’iane euna nai a’a miki rokona, omoro iaki ikuane euna,

¹³ Nai ane nai eni pani ai mai‐voa a’a kei’inave, mani a’a ane, iara vaki ane. Umu ipaikiakei’inave uku nai orau liaka na paua‐paua pani ai,

¹⁴ Ene Amua anu la’aruku evopona’amakei’inave nai ai anenave, pirimaroakoa, umu ane, Keriso Iesu ai, ikumakei’inave.

¹⁵ Voa miki eire, voa ima ane, a’a uriria eiai, Keriso Iesu pani va’au ai anenave namea a’a i’ekavai; namea a’a anu paku vaki nai.

¹⁶ A umu ipaikiakei’inave, nai namea a’a anu paku vaki, uku Keriso Iesu Una lai kekepa anu evereverea ipawkiane‐iai nai laru ai aipo eiai uku iviri‐ekavai oro ane oro neko mere ai pirimaroakoakana rokoa opai eiai.

¹⁷ Amua opai, vauki‐rokoa opai keiakana ane, U ane U e Eloi ua‐rokona, avioia, evao’evao ane, awkuakeinamoki opai keiakana. Amene.

¹⁸ Ei ipawkia voa nai nikuna, Timoteo na mere e, laikorava voa orau ikuakei’inave ni eiai eni pani ai, i ei voa anu paioka ni ima apa?-?kina’ane‐iai,

¹⁹ Pirimaroakoa, lai parea ane, a’akimakina, a’a varomo lariliane euna, omo pirimaroakoa oro enaka’ane euna.

²⁰ Humenaio, Alekanederea ane, orere ei kaupu unu a’a, nai Satani ekuane euna ane, uku orere ipaliane‐iai orere mai‐voa kurunavaia.