1 Petero 5 - Kuruei Voa Nawawrea 1920

¹ Mai‐oro noro awkono avao ai nai nanuku‐ekana, nai ane omo kaupu unu a’a, Keriso onu kukunu unu ione a’a nai keia’ane euna, evao’evao maura pani ipawkiakeiakana nai aua‐miakana ane:

² Eloi inu kaupu a’a noro awkono avao ai noro eivirine. Lai lari peo, Eloi inu lai evere’eai, noro lai iviri eivirine, uku moni kavani peo, a uku kopai eiai;

³ Amua‐awkava a’a orau apea Ekalesia a’a kaupu eiai, ipanakine nomo opara aipo keina Ekalesia a’a ipi‐emiai.

⁴ Mamoe oiviria Amua ereane evao’evao onu opai kaukoua noro miakana.

⁵ Noro awku kokoro a’a e, nomo mai‐oro noro kamaia‐ekavai limakina; Lia, noro uriria kamaia‐nakavai limakina, lai kekepa ane miai limakina: uku lai kauakaua a’a Eloi mani‐awkana, lai kekepa a’a U la’aruku awkuna.

⁶ Ou uku eiai vapari‐na?-?kine Eloi inu eve iva arau ai, uku pani miki U are’‐naiane?-?iai.

⁷ Nomo kukupuna iki U upa mere aine, uku U nai?-?virina.

⁸ I’ima kavakava pirine, rokoa pokoine ane. Nomo mani vaki, Diabolo, lioni orau iara enamakina, a’a avai u voromakina ane.

⁹ Nomo pirimaroakoa ai iviri rokona noro laoine; ipalimakina kukunu noro mimakina nomo aroa a’a awku mimakina pani va’au unu eiei e e ai.

¹⁰ Eloi ane, U ane la’aruku uriria ekuna, U ane Una opai evao’evao aua‐miai U laea‐nalauane euna, i Keriso mere, noro pani mau’u kukunu rokoaka‐miane, U verukua anana‐naia?-?kana, iviri, venea ane, U naiakana.

¹¹ Iva uriria mi’inamoki opai keiakana eiai. Amene.

¹² I Silaki ene miki‐rokoa aroa a’a ei uma revareva nai okaivirina uku iviri‐naiai, uku ioneliai ane voa nai nakiane euna Eloi inu la’aruku miki keina. Ei voa ai iviri‐oine.

¹³ Ekalesia Babulonia ai, noro orau i Eloi ie’eiakei’inave, oro kepoia voa ekaivirina, Mareko na mere orau li’ina ane.

¹⁴ Keponaine, i umu epo‐nami’ine ane. Noro uriria Keriso ai rokona noro airu mi’ine. Amene.