1 Petero 2 - Kuruei Voa Nawawrea 1920

¹ Ou uku eiai namani uriria, ewaea uriria ane, arauau uriria ane, voa lipi uriria ane, noro au‐ekane.

² Upi nawawrea orau voa anu ame miki noro umuli’ine, uku noro la’ava’ane‐iai:

³ Amua anu umu veruku noro ipiane euane.

⁴ U ai anene, opai rokoa rawre, U ane i a’a U lari‐awkavakei’inave, a i Eloi U ie’eakei’inave, avioiakei’inave ane.

⁵ Noro awku rokoa rawre orau avaea marea la‐naka?-?vakeimakina, iaa omoro a’a kaupu evere’eai, avaea epie‐pei Eloi awkuai, i Iesu Keriso mere.

⁶ Uku Iaa revareva ai ei voa kikiriakeina, Akoi’i, Siona ai lauamea kovaivivi rawre Nai aimakina, U ie’eakeina, avioiakeina ane, A’a ane u pirimaroakona u makiri ipapea.

⁷ Noro ane noro pirimaroakona noro eiai U avioiakeina: a oro ane oro inakalia a’a keina, rawre ane la‐okava a’a lari‐awkanave U lauamea anu kovaivivi rawre evere’eane euna,

⁸ Are enu auawia rawre, aua’ava rawre ane, oro ei rawre ai aua’a’ana uku Eloi inu Iva voa oro larili’ina, ei kavani eiai oro evere’eiakei’inave.

⁹ A noro ie’ea kaki a’a rokona, amua omoro kaupu a’a, iaa kaki a’a, Eloi inu naumuki a’a, uku Una uru noro upurukiane‐iai, U ane muru mere elemaneai U laea‐nalauane euna Una pamea re ikiriai.

¹⁰ Eni pani ai noro a’a kaki apea, a eai Eloi inu a’a aruru noro rokona. Eni pani ai noro umu auiakape, a eai noro umu mi’ina.

¹¹ Naumuki a’a e, kikoro a’a, aki a’a ane, orau nai nanuku‐nakana, oia i’ima lari‐ekane, oro ane imunu apakina’ana.

¹² Lai unuku a’a awkono avao ai noro opara anana li’ine, nomo opara anana oro inamu‐oiane‐iai, kavani inu lare ai oro Eloi avioiane‐iai, oro ane oro eai kuruna noro opara lipilia a’a keina.

¹³ Vupu kavakava i a’a awkuakeina noro kamaiali’ine Amua eiai, amua‐mai inu vupu naea,

¹⁴ Eiei kavana anu vupu naea, u ane i amua‐mai u okaiviriakeina namealia a’a kavani ekuai, opara ananalia a’a ane kopai‐ekavai.

¹⁵ Noro opara ananaliai Eloi umuli’ina, avu’avu a’a anu pauapaua voa noro eie?-?kava’ane‐iai.

¹⁶ Ururua a’a orau rokone, nomo ururua uku orau pa miai opara lipi liai, Eloi inu aivara a’a orau rokone.

¹⁷ A’a kavakava avioine. Aroa kaupu a’a umu‐ekane. Eloi avioine, amua‐mai ane avioine.

¹⁸ Marea aivara e, nomo amua a’a kamaia‐ekane, avioia‐mai ane noro ipekine; oro umu amua a’a keia’ane, oro umu eria amua a’a keia’ane.

¹⁹ Uku Eloi eiai a’a lai iva’iva kukunu rokoaka‐miane, u namea liape liane ane, Eloi kopaili’ina ei a’a anu opara eiai.

²⁰ Noro namea liane, noro vaki‐namiakeia’ane ane nomo namea eiai, oi ima ana noro namea anu kavani lai iva’iva rokoaka‐miane? A noro opara anana liane noro lai iva’iva kukunu rokoaka‐miane ane, ei opara ima keina Eloi inu paku ai.

²¹ Ei awku eiai noro laea‐nalauakei’inave; uku Keriso kukunu rokoaka‐mi’inave noro eiai, aipo ave’aimakei’?-?inave Una are awkoro ai enei e’e’okava’ane‐iai.

²² U namea‐a‐li’inavea, ewaea voa Una ane epo mere a’a a‐virinavea.

²³ U voa anakaia‐awkia?-?kei’inave’ane U anakaia kavani voa a‐kurunavea: U kukunu mi’inave’ane, iara voa U a‐kurunavea, Una mani a’a anana voa vevea Amua anu eve ai U ave’einave.

²⁴ Ene namea anu mu’u Una kape ai U verukua iri keoa ai vakarunave, i‐rokoa?-?ka‐mi’inave ane, enei opara anana rokoane‐iai, uku enei imuane euna ene namea eiai. I Una awkoro nomo awkoro aukari‐ekavakeia’ane euna.

²⁵ Uku ikou mamoe orau noro pawru‐enamakei’inave, a eai noro vairuane euna nomo imunu unu Oiviria Amua ai.