1 Petero 1 - Kuruei Voa Nawawrea 1920

¹ Petero, Iesu Keriso onu Iva a’a, ei revareva kikirimakina Eloi inu a’a eiai oro pani va’au ai laeiakeina, Ponitio ai oro kairi a’a orau rokoamakina, Galatia ai ane, Kapadokia ai ane, Asia ai ane, Bitinia ai ane,

² I Eloi inu eni lai mere oro ie’eiakei’inave, i Avaea anu iaa‐ea iaki mere oro kamaia‐awkava’ane‐iai, i Iesu Keriso onu aro oro pawro’eavakeia’ane‐iai ane. La’aruku, la’aruku mo, nakuakeinameki.

³ Ene Amua Iesu Keriso onu Eloi, Mai ane, kopai‐awkavakeinamoki, U ane uku Una umu ovara U enei nawawrea kiniaiane euna opai rokoa araea’araea eiai i Iesu Keriso onu la’ava imua mere,

⁴ Opai omoro roikia eiai, upu eria, paroro eria, omoro roikia ane U oiviriane euna noro eiai pani muku ai,

⁵ Noro ane i Eloi inu iva noro naiviriakeina i pirimaroakoa mere kurua iawka eiai eai evere’eakeina uku ika pani ai ipawkiakeiai.

⁶ Ei uku eiai kopai ovara li’ine, eai pani ai noro na’?-?uniakeia’ane kukupuna liai pani mau’u uku ailia aila eiai.

⁷ Lai kukupuna anena nomo pirimaroakoa ipia‐miai, nomo pirimaroakoa ima‐ima miki keina, laiko moni ima mau’u keina, moni ane i iau ipia‐miakeina, perina ane, uku nomo pirimaroakoa uakeia’ane‐iai kopai, evao’evao ane, avioia ane, eiai Iesu Keriso onu vairua pani ai.

⁸ U ane noro inamu‐oiape noro umu‐awkana; eai ane noro inamu‐a‐oinakea, a noro pirimaroakona, kopai ovara?-?mai noro kopaili’ina ane, kopai ane noro voa kuruai liapea, kopai evao’evao mi’ina,

⁹ Nomo pirimaroakoa anu kavani ane noro mimakina, nomo imunu unu iawka.

¹⁰ Iawka ane laikorava a’a iviri voa veve’eane euna, keverekevere voroane euna ane, oro ane oro laikorava voa kurunave uku la’aruku aneliviai anelia noro eiai.

¹¹ Oro voromakei’inave uku kurua pani Keriso onu Avaea oro laru ai ipekimakei’inave, Avaea anu ione voa uku Keriso onu kukunu eiai, uku evao’evao ane kukunu e’e’ekavakana.

¹² Oro ipekiakei’inave oro iaki a‐li’inavea omo nane eiai a uku noro eiai, laikorava voa oro kurunave’ane voa ane upurukiakeia’ane euna i oro ane, oro i Avaea Iaa ipekiakeia’ane euna, U ane pani muku mere okaivi?-?riakeiaka, Iva voa ane U mi‐anenave. Ei awku inamu‐eiai aivara‐avaea umuli’ina.

¹³ Ou uku eiai nomo lai iviri‐eine, lai iva’iva rokone, araea’araeali’ine kurua la’aruku eiai, la’aruku ane noro ai mi‐aneakana Iesu Keriso onu vairua pani ai.

¹⁴ Uku kamaialiai noro kopaili’ina, i’ima mikiriai nomo opara pa evere’eiai, i’ima ane nomo pauapaua pani ai amua‐nakanave,

¹⁵ A uku U ane laea‐nalauane euna U iaa rokona, noro awku iaa rokoai limakina nomo opara uriria eiai.

¹⁶ Uku ei voa kikiriakeina, Noro iaa evere’eai limakina, uku Nai iaa rokona.

¹⁷ Nomo Mai orau noro nawki‐awkava’ane, U ane U ipi’ipia voa veve’ena a’a kavakava anu opara orau, nomo pokoia pani eu ai nomo opara noro eivirine,

¹⁸ Uku noro ipali’ina nomo a’e mai ane enu vinako avu’avu voa mere i pomoa awku, urupu moni naea, laiko moni naea, noro ururua‐a?-?kei’inavea,

¹⁹ I Keriso onu aro ima miki noro ururunaiakei’inave, mamoe mere orau upu eria epie‐pei awkuakeina.

²⁰ U ane pani va’au unu ea pani paku ai U ie’eakei’inave kapoi ei iaki eiai, U ipawkiakei’inave ane ei ika pani ai noro eiai,

²¹ Noro ane i U noro Eloi pirimaroakoanake, U ane U imua mere la‐okanave, evao’evao awkunave ane; uku nomo pirimaroakoa, araea’araea ane, Eloi ai keia’ane‐iai.

²² Uku voa miki noro kamaialiane euna nomo imunu noro urupu‐eiane euna aroa a’a umu‐ekavai, umu miki noro umu‐nakavai limakina.

²³ I Eloi inu opai rokoa voa noro moawku kininaia?-?keia’ane euna, i uru pomoa mere apea, a i opai uru mere.

²⁴ A’a uriria pono mikirina, Omo vapara uriria ane pono onu iri‐a’a mikirina. Pono paroroli’ina, pono onu iri‐a’a aikina, ikina ane;

²⁵ A Amua anu voa ua?-?rokona opai keiakana eiai. Iva voa ane noro awkono avao ai omoro kuruakeia’ane euna.