1 Korinito 8 - Kuruei Voa Nawawrea 1920

¹ Uku epie pei imunu ekuakeia’ane euna. Enei ipali’ina enei uriria lai evera mi’ina ei opara eiai. A lai‐evera e’ei mi’ina a’a lai kauakaua‐ekavai; a umu la’?-?akana.

² A’a laikora’ane lai‐evera miki u mi’ina, u lai‐evera eria mi’ina orau u miai limakina.

³ A’a Eloi umu‐awkava’ane, kurua a’a i Eloi ipaliakeina.

⁴ A uku na’amakina epie pei imunu ekuakeina, enei ipali’ina kapoi imunu kape keina pani va’au ai, Monou e Eloi uarokona, eloi e peo.

⁵ Oro eloi eroiakeina oro rokoane, pani muku ai naea, pani va’au ai naea, (eloi aila, amua aila ane, rokona)

⁶ A enei Eloi monou e mi’ina, U Mai uarokona, U awku uriria anu aw keina, U eiai enei rokona, Amua monou e ane, Iesu Keriso, i U mere enei, awku uriria ane, rokona.

⁷ A nomo a’a kavakava ei voa anu miki ipapea: a’a varomo eai imunu epie pei na’ana orau eni pani ai oro na’anave, uku omo opara orau keina imunu eiai, oro lai eapa a’a keina, omo lai upu‐ekavakeina ane.

⁸ Pei Eloi ai aravaka?-?aneapea: enei pei lariliane a’a e awkono avao ai enei rurupu‐akavakeiapea; enei pei na’ane a’a e upai enei areaiakeiapea.

⁹ A oivirine nomo lai‐evera ei opara eiai auawia evere’enavaia eapa a’a eiai.

¹⁰ Ei uku eiai, a’a inamu?-?niane, ni lai‐evera a’a, imunu unu ravi laru ai epie pei na’amakina, u lai eapa a’a una lai iviri‐eakeiapeana imunu epie pei navai?

¹¹ Ni lai‐evera eapa pirimaroakoa a’a oa’ana, ni aroa a’a, u ane u eiai Keriso imunave.

¹² Noro aroa a’a orau namea‐liai pai‐eka’ane omo lai eapa noro awkoro‐ekana, Keriso awku noro awkoro?-?awkana.

¹³ Uku pei eiai na aroa a’a namea‐liane, oia pei nai moawku na’apea na rokoa pani ai, na aroa a’a aua’a’anavaia.