1 Korinito 4 - Kuruei Voa Nawawrea 1920

¹ A uku enei Iva a’a a’a laikoranameki enei Keriso onu kamaia a’a, Eloi inu vauavaua voa oiviria a’a ane.

² Uku ei voa miki keina oiviria a’a opara anana liai limakina.

³ A uku noro, a’a e ane, voa veve’i’ina nai lai kukunu ovara a‐li’inakea: mikio, na nane nai voa a‐veve’enakea.

⁴ Nai ipapea nai namea liane euane; ou uku eiai nai mua eria evere’i’iakeiapea: a U Amua ane voa veve’i’?-?iakana.

⁵ Ou uku eiai pani miki paku ai voa pa veve’eai, aioiaka‐pokoine anea’anea Amua anea’ane. Muru unu vauavaua voa U pamea ai mi‐aneakana, a’a anu lai omo umu laru ai vaua?-?keia’ane euna U iki ai ipekiakana: a’a kavakava orau u liane euna i Eloi mere u kepoia miakana ane.

⁶ Ovaki airavaki e, ei voa nai kikiriane euna uku Apolo, nai awku eiai, uku noro eiai; i enere aipo ei voa anu miki nai ipanakiane‐iai, Kikiria voa e a’a eiai virine! noro voa meramera kurunavaia uku omoro a’a e e eiai.

⁷ Koama‐areni’i a’a e upai? Ni oiama‐mi’i au?-?nikuakeiapea? Kurua awku au‐nikuakei’inave’ane, uku oiana ni voa meramera kuruna orau kurua awku au?-?nikuakeiakape livilia?

⁸ Nomo a’a kavakava awku uriria mi’ina u umu‐liai li’ina; eai noro awku evereverea mi’ina; amua a’a orau noro amua‐awkava’ane euna noro aiaiaka‐pokoiape: nai umuli’ina noro amua‐awka?-?vaka livilia uku enei noro kiripai amua‐awkava’ane‐iai.

⁹ Uku nai laikorana Iva a’a Eloi ika ipakiane euna a’a anu paku ai, a’a orau imuai mua‐ekavakeina; uku avaea orau enei ipakiakeina pani va’au iki paku ai, aivara avaea paku ai, a’a anu paku ai ane.

¹⁰ Uku Keriso eiai avuavu a’a enei aroiakeina; a noro ekalesia a’a noro lai evera a’a; enei eapa a’a, a noro venea a’a; noro avinaia?-?keina, a enei lari‐akavakeina.

¹¹ Anea’anea eai pani ai enei pei navai‐navai li’ina, inamako lavere li’ina ane, enei irikaiva keina, vaki?-?amiakeina ane, pokoia mako eria mi’ina ane;

¹² Ene eve enei iaki limakina. Enei anakaia‐akava?-?keia’ane, enei kopai‐awkana; enei mani‐akavakeia’ane, enei lai kekepa keina:

¹³ Enei omoro nouakeia’?-?ane, a’a airu‐eai enei ipia‐mi’ina. A’a laikorana enei pani va’au unu upu a’a, rurupu a’a, keina.

¹⁴ Ei voa nai a‐kikirinakea makiri‐nakavai, a uku noro na naumuki ukua painakavai nai orau kikirina.

¹⁵ Noro 10,000 avaea voa ipawkia a’a miane, noro mekai aila miape: uku Iesu Keriso laru ai i Iva voa mere nomo mai‐vaki nai evere’enave.

¹⁶ Ou uku eiai nai nawki‐nakana; noro e’e’ikane.

¹⁷ Ei uku eiai Timoteo noro ai nai okaiviriane euna, u ane u na naumuki ukua avaea iaki eiai, noro laikora‐nakiai na opara Keriso laru ai u painakavakana, orau nai ipawkina mako?-?mako ai, omoro marea kavakava laru ai ane.

¹⁸ Nomo a’a varomo lai kauakaua‐ekavakeina uku oro laikoramakina noro ai nai aneapea.

¹⁹ Amua evere’eane, noro ai nai maura anenavailia, lai kauakaua a’a anu iva nai ipaliakana, omo kauakaua voa peo.

²⁰ Uku Iva a’a anu evera voa laru ai keiapea, iva laru ai kurua evera keina.

²¹ Noro oiama‐laikora’i? Iri vaki‐namiai nai noro ai ama‐anemau, umu, lai kekepa ane, nai ama‐anemau?