1 Korinito 3 - Kuruei Voa Nawawrea 1920

¹ Ovaki airavaki e, avaea a’a orau nai kurunaiai a‐li’inavea, kape‐i’ima a’a orau kurunaiai nai i’inuakei’inave, upi orau Keriso laru ai.

² Ame nai nakuane euna, pei kane peo; noro venea?-?a‐kei’inavea pei kane navai; eai pei kane noro navai liapea.

³ Eai noro kape‐i’ima a’a keina. Nomo awkono avao ai namani, iara ane, keia’ane, noro kape‐i’ima a’a peana, pani va’au unu opara noro liapeana?

⁴ A’a monou erau voa kuruane, Nai Paulo onu a’a; a’a mo kuruane, Nai Apolo onu a’a; noro kape‐i’ima a’a peana?

⁵ Paulo koana? Apolo ane u koana? Orere Eloi inu aivara a’a keina, i orere enu omoro voa mere, orau a’a kavakava Amua iva awkunave, noro pirimaroakoanave.

⁶ Nai uru kininave, Apolo veve ere‐orekanave: a Eloi uru lala’avai rokoa awkunave.

⁷ Uru kinia a’a peo, ere orekava a’a peo, uru rokoa awkuna. Eloi uru lala’avai rokoa ekuna, uriria upai U epe’epe rokona.

⁸ Uru kinia a’a, veve ere?-?orekava a’a ane, orere lai monou mi’ina uru eiai; a’a kavakava una iaki orau u kavani miakana.

⁹ Uku enere Apolo ane Eloi eiai, Eloi kiripai ane, iaki li’ina: noro Eloi inu aura, noro Eloi inu marea ane.

¹⁰ Uku iaki liai Eloi veruku ikunave, marea la‐oka lai evera a’a orau, marea anu u’uri nai aiekiane euna, u’uri upa mere a’a mo la‐okamakina. A’a kavakava oivirinamoki u ima la‐okavai.

¹¹ U’uri aiakeina U Iesu Keriso, u’uri e a’a aiai liapea.

¹² Kurua u’uri upa mere laiko moni marea naea, urupu moni marea naea, rawre moni marea naea, iri marea naea, pono marea naea, mami marea naea, a’a la‐oka’ane,

¹³ A’a monou‐monou unu iaki ipawkiakeiakana. Keriso onu lare iaki inu miki ipawkiakana, uku kurua lare enei ai iau luki‐awmiakeiakana aneliviai anelia, iau a’a anu iaki ipia‐miakana.

¹⁴ A’a anu iaki keia’ane u la‐oka’ane euna, u kavani miakana.

¹⁵ A’a anu iaki iau ruaw?-?kavakeia’ane, una iaki u paukiakana: a u iawkavakeiakana a’a orau iau mere lakiakeina.

¹⁶ Noro ipapeana noro Eloi inu iaa marea keina, Eloi inu Avaea ane noro laru ai pokoina?

¹⁷ A’a Eloi inu iaa marea upu‐liane, kurua a’a Eloi avakana: uku Eloi inu iaa marea iaa keina, kurua iaa marea noro keina.

¹⁸ A’a una nane ewaea pa awkavai. Nomo a’a monou laikora’ane u lai evera keina ei pani va’au eiai, u avuavu a’a evere’enamoki u lai evera evere’eane‐iai kapoi.

¹⁹ Uku ei pani va’au unu lai evera avuavu keina Eloi inu paku ai. Ei voa kikiriakeina, Lai evera a’a i omo ewaea U ekeni‐ekana.

²⁰ Ei voa awku kikiriakeina, Amua ipali’ina lai evera a’a anu lai avuavu keina.

²¹ Ou uku eiai a’a meramera voa pa kuruai una omoro a’a eiai. Uku awku uriria nomo awku keina;

²² Paulo naea, Apolo naea Kepa naea, pani va’au naea, rokoa naea, imua naea, eai pani inu awku naea, iru pani inu awku naea; awku uriria nomo awku keina;

²³ Noro Keriso onu a’a keina, Keriso ane Eloi inu keina.