1 Korinito 2 - Kuruei Voa Nawawrea 19201 Ovaki airavaki e, nai noro ai aneaka’ane, mera voa epe’epe, pani va’au lai evera voa ane, nai aneakape, kurua voa nai ipanakinave Eloi ikiaka ioneliai. 2 Uku na lai nai evere’eaka nai noro awkono avao ai pokoiane, Iesu Keriso, U iri keoa upa mere avakeiaka, nai ipaliai, voa e peo. 3 A uku nai e eiai, eapa, kore ane, kukupuna ovara ane, noro ai nai anenave. 4 Na voa, iva voa ane, nai omoro kurunave, a’a anu lai evera paioka miakape; kurua voa anu iva Avaea ipawkinave, iviri‐enave ane. 5 Uku nomo pirimaroakoa a’a anu lai evera upa mere keinavaia, a uku nomo pirimaroakoa Eloi inu iva laru ai keia’ane‐iai. 6 A pirimaroakoa a’a miki awkono avao ai enei pokoiane lai evera voa enei kurunake: ei pani va’au unu lai evera voa peo, ei pani va’au unu lai evera ipawkia a’a anu voa peo, kurua lai evera voa kape evere’ena: 7 Enei ipawkimakina miki voa eni vauakavakei’inave Eloi inu lai evera voa enei kuruna, kurua vauavaua lai evera pani va’au unu ea pani paku ai Eloi evere’enave ene evao’evao evere’eai; 8 Lai evera ei pani va’au unu ipawkia a’a kapeo mi’ina, oro miaka livilia, Amua evao’evao iri keoa upa mere oro avakape. 9 Ei voa kikiriakeina, Inamu kurua awku inamu‐oiape, keporo viriape ane, a’a anu umu laru ai ikiriape ane, kurua awku Eloi evere’eiane euna oro eiai oro umu‐awkana. 10 I Una Avaea ei awku Eloi ipakiane euna: uku Avaea awku uriria evorona, lia, Eloi inu eporo awku ane. 11 A’a awkono avao ai a’a koana a’a e enu lai ipali’ina, a’a anu avaea e una lai ipali’ina? Orau awku Eloi inu Avaea e Eloi inu lai iki ipali’ina. 12 Pani va’au unu avaea enei miape, a Avaea Eloi mere anena enei miane euna, uku awku Eloi veruku akuna enei ipa‐elauane‐iai. 13 Ei awku eiai enei kuruna, a’a anu lai evera voa enei a‐kurunakea uku kurua awku eiai, a kurua voa Avaea ipawkina enei kuruna; avaea voa enei mi’ina avaea awku eiai. 14 Eloi inu Avaea anu awku lai unuku a’a inaka?-?li’ina, omo miki u ipaliai liapea, uku oro i avaea voa veve’eiakeina. 15 A avaea a’a awku uriria voa veve’eina, a i a’a e u voa veve’eakeiapea. 16 Amua anu lai koama?-?ipali’e uku ipawkiane‐iai? A Keriso onu lai enei mi’ina. |
Published by the British and Foreign Bible Society in 1920.
British & Foreign Bible Society