1 Korinito 16 - Kuruei Voa Nawawrea 1920

¹ Uku la’aruku moni iaa a’a eiai, orau Galatia ekalesia a’a nai ekiane euna moni roikiai, orau noro liai limakina.

² Sabati lare kavakava nomo a’a monou‐monou la’aruku moni ainamoki orau Eloi paioka’ane euna, nai noro ai anea’ane noro moni roikinavaia.

³ Aroa a’a noro evere’eina nomo revareva laru ai, nai noro ai anea’ane nai ekaiviriakana nomo la’aruku moni Ierusalema ai vakaruai.

⁴ Uku uakeia’ane nai awku Ierusalema ai enavai, oro nai kiripai enavakana.

⁵ Nai Makedonia eiei ai na aki oailiane noro ai nai aneakana: na lai Makedonia eiei vimu ai awawpeai.

⁶ Noro kiripai pani va’au nai pokoiakana naea, laura pani iki noro kiripai nai pokoiakana naea, na iru pani inu aki noro pai’ika’ane‐iai.

⁷ Ei pani ai nai awaw?-?pemakina inamu‐naiai nai umu‐a‐li’inakea; Amua evere’eane pani mau’u noro kiripai pokoiai nai araea’araea li’ina.

⁸ Anea’anea Penekosa purai pani ai Epeso ai nai pokoiakana.

⁹ Uku kikau peava auakeina na paku ai iaki ovara eiai, mani aila enei mi’ina ane.

¹⁰ Timoteo noro ai aki?-?anea’ane, noro kopai‐awkane noro awkono avao ai; uku u, nai orau, Amua anu iaki li’ina.

¹¹ Nomo a’a lari pa awkavai: u au‐ikuai avenaiane noro airu paiokane; uku nai aioiaka‐pokoimakina, aroa a’a ane u kiripai anena.

¹² A uku ene aroa a’a Apolo nai nawki‐awkanave aroa a’a kiripai noro ai aki‐enavai: eai pani aki‐enavai u umu‐a‐li’inakea; u pani miki miane u aneakana.

¹³ Rokoa‐ene, pirimaroakoa eiai iviri pokoine; a’a mikirine; venea‐ene.

¹⁴ Awku uriria noro li’ina noro umu li’inameki.

¹⁵ Ovaki airavaki e, Setepana anu avai a’a noro ipa‐elauna, oro pinai pirimaroakoa a’a Akaia ai, omo nane ane oro ekuane euna Eloi inu a’a pai-ekavai,

¹⁶ A’a orau kamaia‐ekavai nai nawki‐nakana, a’a kavakava ane omo iaki aua‐mi’ina, iaki mu’u li’ina ane.

¹⁷ Nai kopaili’ina Setepana, Forotunatu ane, Akai?-?aku ane, noro ai anea’ane euna: uku kurua awku noro miape oro nakuane euna.

¹⁸ Uku na avaea, nomo avaea ane, oro iviri‐eiane euna: a’a oro orau noro kamaia‐ekane.

¹⁹ Asia ekalesia keponaina; Aquila, Pirikia ane, orau li’ina, ekalesia a’a ane orere enu marea ai kaupukina.

²⁰ Aroa a’a uriria keponaina. I iaa epo‐awmia noro keponaine.

²¹ Na kepoia voa na eve nai kikirina.

²² A’a Amua Iesu Keriso umu‐awkavape liane, u laoiakeinamoki. Ene Amua aneliviai anelia.

²³ Ene Amua Iesu Keriso onu la’aruku noro mi’inamoki.

²⁴ Noro uriria kiripai Keriso Iesu laru ai na umu rokonamoki. Amene.