1 Korinito 14 - Kuruei Voa Nawawrea 1920

¹ Umu auiai noro iviri li’ine, avaea la’aruku umuli’ine ane, noro laikorava voa kuruane‐iai.

² Uku kurua a’a u voa kuruane a’a e ipapea, u a‐kurunakea a’a eiai, a Eloi eiai u kurunake: uku a’a kapeo una voa anu miki ipali’ina; Avaea laru ai miki inu voa vauavaua u kuruna kapoi.

³ A kurua a’a u laikorava voa kuruna, u orau kuruna a’a ipekiai, iviri‐ekavai ane, pai‐ekavai ane.

⁴ A’a u voa kuruna a’a e ipapea, una nane u ipawkina: a kurua a’a u laikorava voa kuruna, u ekalesia a’a ipekina.

⁵ Noro uriria voa e e kurueai nai umuli’ina, a noro uriria laikorava voa kuruai nai umuli’ina kapoi. Uku a’a u laikorava voa kuruna u kurua a’a upai epe’epe u voa e e kuruna, kurua a’a una voa e e enu miki u ipawkiape liane ekalesia a’a ipaliane‐iai.

⁶ Ovaki airavaki e, voa e e kurumakina noro ai nai anea’ane, nai oiama‐paina?-?kamau, i erea voa naea, i lai evera voa naea, i laikorava voa naea, i ipawkia voa naea, nai kurunaiape liane?

⁷ Rokoa eria aru kiri awkuna, awvi naea, komami naea, orere kiri e e awkuape liane, a’a eka’ama‐ipalimau kurua vaki awni‐awkava?-?keina?

⁸ Pi’i laea miki awkuape liane, vaupa koama‐lukimau apaki eiai?

⁹ Orau uku noro awku, voa a’a ipali’ina noro kuruape liane, voa kuruakeina koama‐ipalimau? Noro pani kape eiai voa kuruakana.

¹⁰ Pani va’au ai voa aila keina, voa monou‐monou una miki mi’ina.

¹¹ A’a anu voa u kuruina nai ipaliape liane, na voa anu miki awku u ipaliape liane, na paku ai u lai unuku a’a mikirina, nai awku una paku ai lai unuku a’a mikirina.

¹² Orau uku noro awku, uku avaea la’aruku miai noro iviri keina, lai evera miai noro ipia‐mi’ine noro ekalesia a’a ipekiane‐iai.

¹³ A’a u voa kuruna a’a e ipapea, u nawki‐awkanamoki iva miai una voa anu miki a’a e ipekiai.

¹⁴ Pauapauakeia voa nai nawki‐awkava’ane, na avaea nawki‐awkana kapoi, a na lai kono keina.

¹⁵ Oiana uakei’i? Nai avaea nawki‐awkavakana, lai awku nai nawki‐awkavakana: nai avaea awni‐awkavakana, lai awku nai awni‐awkavakana.

¹⁶ Ni Eloi avaea e nawki‐awkava’ane, pauapaua a’a erau voa eka’amakurumau, Amene, ni nawki‐awkava voa eiai uku ni voa anu miki u ipapea?

¹⁷ Ni nawki‐awkana kapoi, a a’a e ipawkiakeiapea.

¹⁸ Na Eloi nai kopai‐awkana voa aila noro ipapea nai kuruena:

¹⁹ A ekalesia a’a awkono avao ai voa e e 5 kurueai nai umuli’ina omo miki nai ipaliane uku na voa mere nai a’a ipekiane‐iai; voa e e 10,000 kurueai nai umu‐a‐li’inakea kurua voa anu miki nai ipaliape liane.

²⁰ Ovaki airavaki e, uku lai evera eiai noro upi pa mikiriai: a uku namani upi orau nomo lai evere’einameki, uku lai evera eiai nomo lai a’a anu lai orau noro evere’‐einameki.

²¹ Vupu unu voa erau voa kikiriakeina, I a’a ane oro pauapaua voa kuruna, i kaki a’a ane oro pauapaua keina, ei a’a aruru Nai kurueakana; a Na voa oro viriapea Amua kuruna.

²² Uku pirimaroakoa a’a peo, a uku lai inaka a’a voa e e vupu keina: a laikorava voa pirimaroakoa a’a eiai kuruakeina, uku lai inaka a’a peo.

²³ Ekalesia a’a iki mako monou kaupukiane, a’a kavakava voa e e kuruane, voa e e pauapaua a’a naea, inaka?-?lia a’a naea, ikirimane’ane, oro kuruapeana noro avu’avu a’a keina?

²⁴ A a’a uriria laikorava voa kuruane, inaka‐lia a’a naea, pauapaua a’a naea’?-?ikirimane’ane, i a’a uriria u mua‐awkavakeina, i a’a uriria u voa veveakeina kapoi:

²⁵ Orau una umu unu vauavaua awku ipekiakeina; are‐epo aimakina u Eloi avioiakana, a’a e u erau voa ekiakana, Eloi noro kiripai pokoina kapoi.

²⁶ Oiana uakei’i Ovaki airavaki e? Noro kaupukiane a’a kavakava awni naea, ipawkia voa naea, voa e naea, erea voa naea, pai?-?oka voa naea, u mi’ina; awku uriria li’inameki pai?-?oka eiai.

²⁷ A’a pauapauakeia voa kuruane, a’a rere naea, rere kaiane naea, pauapaua voa kuruai noro evere’eine, oro a’a kiria orau kurunameki; a a’a monou omo voa anu miki ipawkinamoki.

²⁸ Voa anu miki ipawkia a’a kaupukiape liane, voa e lai evera a’a eiekanamoki ekalesia a’a awkono avao ai; una nane, Eloi ane, u kurunamoki.

²⁹ Laikorava a’a rere naea, rere kaiane naea, voa kurunameki, omo voa kaupukia a’a ipinameki.

³⁰ Voa ereakeia’ane a’a awkono avao ai pa’amakina, a’a voa kurumakina u eiekanamoki.

³¹ A’a monou pani monou noro uriria iva mi’ina laikorava voa kuruai, noro uriria ipaliane‐iai, painakava?-?keia’ane‐iai ane.

³² Laikorava a’a anu avaea laikorava a’a kamaia‐ekana.

³³ Uku Eloi airu unu Uku ua‐rokona, rawre enu uku peo, iaa a’a uriria awkono avao ai.

³⁴ Omoro marea laru ai nomo a’ero eiekanameki, oro omoro kuruai evere’eakeiapea; Vupu unu voa orau oro kamaia pokoiai limakina.

³⁵ Oro voa veve’eai umu?-?liane, omo marea ai omo vaki oro voa veve’einameki: uku omoro marea laru ai makiri opara a’e omoro kuruai.

³⁶ Noro mere Eloi inu voa ama‐elemane’e? Ni e eiai Eloi inu Iva voa ama’?-?ane’e?

³⁷ A’a laikora’ane u laikorava a’a keina, avaea la’aruku u mi’ina, u iki e’ena?-?moki ei voa nai kikirina noro eiai oro Amua anu awkia voa keina.

³⁸ A’a pauapaua keia’ane, u pauapaua keinamoki.

³⁹ Ou uku eiai, ovaki airavaki e, laikorava voa kuruai noro umuli’ine, voa e e omoro kuruai noro pa eiai.

⁴⁰ Awku kavakava ima li’inamoki.