1 Korinito 13 - Kuruei Voa Nawawrea 1920

¹ A’a anu voa e e, aivara‐avaea anu voa ane, nai kuruane, Umu nai miape liane, pi’i inu laea ovara, aravea anu kiri ane, nai mikirina.

² Laikorava voa anu la’aruku nai miane, vauavaua voa uriria awku nai ipaliane, nai pirimaroakoa miane akapu omo mako mere lai‐ekavai, nai Umu miape liane, nai kape keina.

³ Na aru uriria rurupu a’a nai ekuane, na kape awku iau ruawkavakeia’ane?-?iai nai awkuane, nai Umu miape liane, kurua opara pai’ikapea.

⁴ Umu kekepa, veruku ane, keina. Iluku, namani ane, Umu ipapea. Umu meramera voa kuruapea, Umu kauakaua keiapea,

⁵ Umu rurupu opara a‐li’inakea, Umu manipu a?-?kei’inakea, Umu iara epua evere’eakeiapea, namea eria laikorana;

⁶ A’a e namea‐ekavakeia’?-?ane Umu kopai‐a‐li’inakea, opara miki pai‐okavai u kopaili’ina.

⁷ Eiekavakeiai Umu ipali’ina. Pirimaroakoa, araea’araea ane, iviri kekepa ane, u evopoakeina.

⁸ Umu periakeiapea opai keiakana. Laikorava voa oro e’avakeiakana; voa e e ane oro periakana; lai evera e e ane oro paueiakeiakana.

⁹ Uku enei la’a e ipali’ina, laikorava voa la’a e enei kuruna.

¹⁰ A kurua awku iki anea’ane, ei awku la’a paueiakeiakana.

¹¹ Nai upi kei’inave’ane upi mikirio nai kurunave, nai upi mikirinave, upi mikirio nai laikoranave: nai a’a evere’eaka’ane upi inu opara nai au‐awkanave.

¹² Awku unu avaea varivari laru ai orau enei eai inamu‐eina, enei lai iakari?-?akavakeina ane; a iru pani ai enei inamu‐eiakana ene paku ai; eai la’a e nai ipali’ina; airu pani ai nai iki ipaliakana orau nai iki ipaliakeina.

¹³ Pirimaroakoa, araea’araea ane, umu ane, rere kaiane eire rokona, a ei kaupu unu epe’epe vaki Umu upai rokona.