1 Korinito 12 - Kuruei Voa Nawawrea 1920

¹ Ovaki airavaki e, ipanakiai uku avaea la’aruku eiai nai umuli’ina.

² Noro ipali’ina noro lai unuku a’a kei’inave ane, momoa imunu ai noro keke?-?nave orau noro naravakei’?-?inave.

³ Ei uku eiai noro ipaliai nai umuli’ina a’a kapeo i Eloi inu Avaea kurumakina erau voa kuruna, Iesu laoiakeina, i Avaea Iaa e a’a erau voa kuruai li’ina, Iesu U Amua rokona.

⁴ La’aruku e e keina, a Avaea monou e ua‐rokona.

⁵ Kamaia iaki e e keina, a Amua monou e ua‐rokona.

⁶ Iaki e e limakina, a Eloi monou e ua‐rokona, U ane U enei monou‐monou laru ai awku uriria evere’eina.

⁷ A’a monou‐monou Avaea anu la’aruku awkuakeia’ane euna a’a uriria anu paioka eiai.

⁸ I Avaea a’a monou lai evera voa awkuakeina; i Avaea monou a’a mo ipawkia voa awkuakeina;

⁹ I Avaea monou a’a mo pirimaroakoa awkuakeina; i Avaea monou a’a mo la’aruku awkuakeina a’a aukarikavai;

¹⁰ A’a mo iva veia liai iva awkuakeina; a’a mo laikorava voa kuruai la’aruku awkuakeina; a’a mo iva awkuakeina laikorava voa e e enu miki ipaliai; a’a mo la’aruku awkuakeina voa e e kuruai; voa e e enu miki ipawkiai ane:

¹¹ I Avaea monou e ei awku uriria evere’eiakeina, U ane U una la’aruku enei monou‐monou akuna orau U umuli’ina.

¹² Uku orau a’a anu kape monou ua‐rokona u kape?-?aru aila mi’ina, una kape?-?aru uriria, oro aila keina, oro kape monou evere’ena, orau awku Keriso onu ekalesia keina.

¹³ Uku i Avaea monou enei uriria kape monou laru ai bapatiso akavakei’inave, enei Isaraela a’a naea, lai unuku a’a naea, enei piriakeia a’a naea, ururuakeia a’a naea; i kurua Avaea monou e enei uriria rokoa‐aiakeia’?-?ane euna.

¹⁴ Uku kape‐aru monou u kape iki peo, kape iki kape?-?aru aila mi’ina.

¹⁵ Are erau voa kuruane, Uku nai eve peo nai kape enu kape‐aru peo; u kape enu kape‐aru peana?

¹⁶ Keporo ane u erau voa kuruane, Uku nai inamu peo nai kape enu kape‐aru peo; u kape enu kape‐aru peana?

¹⁷ Kape iki inamu keia’ane, keporo onu iaki oiana? Keporo kape iki keia’ane, pina anu iaki oiana?

¹⁸ Kape enu kape‐aru omo mako ai Eloi evere’eiane euna orau U umuliane euna.

¹⁹ Oro uriria kape‐aru monou keia’ane, kape iki ekeiana?

²⁰ A kape‐aru oro aila keina, a kape iki u monou keina.

²¹ Inamu eve erau voa kuruai liapea, Nai umu‐nilau?-?apea; uku awku are erau voa kuruai liapea, Nai umu‐nilau?-?apea.

²² A kape‐aru oro eapa mikirina, iaki uakeina oro eiai:

²³ Kape‐aru enei laikorana oro rurupu keina enei avieina kapoi, orau ene rurupu kape‐aru enei vapara‐ekana.

²⁴ Eloi kape la‐okanave, rurupu kape‐aru U avioia‐mai awkunave uku oro vapara eria mi’inave,

²⁵ Uku kape, kape‐aru ane, kouaminavaia, uku kape‐aru monou‐monou oro uriria eiviriane‐iai.

²⁶ Kape‐aru monou kukunu miane, kape‐aru uriria awku u kiripai kukunu mi’ina: kape‐aru monou avioia?-?keia’ane, una avioia kape?-?aru uriria aua‐mi’ina.

²⁷ Noro Keriso onu kape keina, noro monou‐monou Una kape enu kape‐aru keina.

²⁸ A’a varomo Eloi evere’eiane euna ekalesia iaki eiai, Pinai kaupu oro iva a’a, rere enu kaupu oro laikorava a’a, rere kaiane enu kaupu oro omoro a’a, Kaupu mo onu a’a oro iva veia‐lia a’a, a’a mo lai evera a’a maia a’a aukarikavai, pai‐oka a’a ane, a’a anu orava a’a ane, a’a mo uku voa e e kuruai.

²⁹ Oro uriria iva a’a ana? Oro uriria laikorava a’a ana? Oro uriria omoro a’a ana? Oro uriria iva veia‐lia a’a ana?

³⁰ Oro uriria la’aruku ama‐mi’i maia a’a aukarikavai? Oro uriria voa e e ama‐kuru’i? Oro uriria voa e e enu miki ama‐ipawki’i?

³¹ La’aruku ima miki miai noro panipani ai i’e’mi’ine. Rokoa anu kapea miki nai ipanakima, kapea epe’epe kapea e upa mere.