1 Ioane 5 - Kuruei Voa Nawawrea 1920

¹ A’a kavakava ane u pirimaroakona Iesu U Keriso awku keina, u Eloi inu mere keina; a’a kavakava ane u Mai umu‐awkana Iesu awku u umu‐awkana, U ane U Mai inu Mere keina.

² Enei Eloi umu‐awkava’ane, Una Vupu enei kamaia‐ekava’ane ane, enei ipali’ina kapoi Eloi inu a’a enei umu‐ekana.

³ Umu Eloi eiai, kamaia ane Una Vupu eiai, orere ipi’ipiakeina; Una vupu‐voa oro iakari peo.

⁴ Uku Eloi inu mere kavakava pani va’au awkoni‐awkana; ene pirimaroakoa ane u pani va’au awkoni‐awkava’ane euna.

⁵ Pani va’au koama awkoni‐awkava’i, u e u ane u pirimaroakona Iesu Eloi inu Mere keina?

⁶ Iesu Keriso U ane i ere, aro ane, U anenave; i ere e peo, a i ere, aro ane, U anenave. Avaea ane U ioneli’ina, uku Avaea Voa miki keina.

⁷ Rere kaiane oro ioneli’ina;

⁸ Avaea, ere ane, aro ane; ei rere kaiane enu ione voa ipi’ipina.

⁹ A’a anu ione voa enei miane, Eloi inu ione voa ovara‐mai keina: uku Eloi inu ione voa awku oro eiai U ioneliane euna Una Mere eiai.

¹⁰ U ane u Eloi inu Mere pirimaroakona ione voa u mi’ina una umu laru ai: u ane u Eloi apirimaroakoanakea?-?u Eloi arauau‐awkava’?-?ane euna, uku u inakaliane euna ione voa miai, ione voa ane Eloi awkuane euna Una Mere eiai.

¹¹ Ei ione voa, Opai rokoa Eloi akuane euna, ei opai rokoa ane Una Mere laru ai uakeina.

¹² U ane u Mere mi’ina, opai rokoa awku u mi’ina; u ane u Eloi inu Mere miape, opai rokoa awku u miape.

¹³ Ei voa nai kikirinaina, noro ane noro Eloi inu Mere pirimaroakona uku noro ipaliane‐iai kapoi opai rokoa noro mi’ina.

¹⁴ Ei pirimaroakoa enei mi’ina uku U eiai, enei nawki‐awkava’ane orau U umuli’ina, ene nawki U viriakana:

¹⁵ Uku enei ipali’ina ene nawki U virina, awku kavakava eiai enei nawki‐awkana, enei ipali’ina awku enei emi’ina, awku ane U mere enei nawki‐awkava’ane euna.

¹⁶ A’a aroa a’a inamu‐oiane namealimakina, namea ane u imua anu namea peo, u nawki‐awkavakana Eloi ane rokoa awkuakana, oro eiai oro ane imua anu namea oro a‐li’inakea. Imua anu namea uakeina; kurua namea eiai nawki‐awkavai nai a‐nakinakea.

¹⁷ Opara lipi kavakava namea keina; a namea uakeina u imua anu namea peo.

¹⁸ Uku enei ipali’ina a’a ane u Eloi inu a’a keina u namea‐a‐li’inakea, a U ane U Eloi inu Mere keina U oivirina, Lipi vaki nekeai liapea.

¹⁹ Enei ipali’ina enei Eloi inu a’a keina, pani va’au iki ane Lipi vaki inu iva ai keina.

²⁰ Enei ipali’ina ane Eloi inu Mere anea’ane euna, lai pamea akuane euna ane, enei Miki vaki ipaliane‐iai, enei Miki vaki kiripai pai?-?kiakeia’ane‐iai, Una Mere ane Iesu Keriso. Eloi miki U ua‐rokona, Opai Rokoa ane.

²¹ Naumuki mere e, imunu mere lainakine. Amene.