1 Ioane 4 - Kuruei Voa Nawawrea 1920

¹ Naumuki e, avaea kavakava pa pirimaroakoai, avaea ipia‐emi’ine oro Eloi mere naea; uku arauau laikorava a’a aila pani va’au ai eleane euna.

² I ei ikiau ane Eloi inu Avaea noro ipaliakana; avaea kavakava ane u iki e’ena Iesu Keriso, a’a orau, Eloi mere anea’ane euna,

³ Avaea kapeo Eloi mere anena ei voa u iki e’eape liane Iesu eiai. U arauau‐keriso onu avaea; uku una anea eiai noro viriane euna, eai u pani va’au ai pokoina.

⁴ Noro Eloi inu mere, naumuki mere e, arauau avaea noro awkoni‐ekava’ane euna ane; uku U ane U noro laru ai rokona Una iva ovara‐mai keina, a u ane u pani va’au ai pokoina una iva mau’u keina.

⁵ Oro pani va’au unu mere, orau omo voa ane pani va’au unu voa ane, pani va’au omo voa kamaiali’ina ane.

⁶ A enei Eloi mere. A’a ane Eloi ipaliai u pinailimakina ene voa u virina, a u ane u Eloi inu mere peo u a‐virinakea. I ei ikiau voa miki inu Avaea voa kukia anu avaea mere enei lai‐awkavai li’ina.

⁷ Naumuki a’a e, enei umu‐akanamaki; uku umu aw Eloi laru ai keina, a’a kavakava ane u umu‐awkana Eloi inu mere u evere’eane euna, Eloi ipaliai u pinailimakina.

⁸ U ane u umu eria mi’ina u lai pamea eria miape Eloi eiai; uku Eloi umu rokona.

⁹ Eloi inu umu enei eiai ipawkiakeia’ane euna uku Una naumuki Mere U pani va’au ai okaiviriane euna i U mere enei rokoa miane‐iai.

¹⁰ Umu miki eire, enei Eloi umu‐awkavakape, a U umu‐akanave, Una Mere okaivirinave ane, kekepea epie‐pei evere’eai ene namea eiai.

¹¹ Naumuki a’a e, Eloi orau umu‐akava’ane euane, enei awku umu‐akavai limakina.

¹² A’a kapeo Eloi inamu‐oiane euna. Enei umu‐akava’ane, Eloi enei kiripai rokona, Una umu miki ane ene umu laru ai keina.

¹³ Enei ipaliai li’ina enei U kiripai rokona, U awku enei kiripai rokona, uku aua Una Avaea mere U akuane euna.

¹⁴ Enei inamu‐oiane euna, ioneli’ina ane, Mai Mere okaiviriane euna pani va’au unu Iawka a’a evere’eai.

¹⁵ A’a kavakava ane u iki e’ena Iesu Eloi inu Mere keina, Eloi u kiripai rokona, u ane Eloi kiripai rokona.

¹⁶ A uku enei eiai ane, umu ane Eloi mi’ina enei eiai enei ipali’ina, enei pirimaroakona ane. Eloi umu rokona, u ane u umuli’ina, Eloi kiripai u rokona, Eloi ane u kiripai rokona.

¹⁷ Ene umu unu miki iki ipawkiakeiakana i ene pirimaroakoa iki voa vevea anu lare ai; uku orau U ua?-?rokona orau enei rokona pani va’au ai.

¹⁸ Umu kore eria mi’ina; umu miki kore laoina, uku kore kukunu mi’ina, a’a kore?-?liane, umu miki u miape.

¹⁹ Enei umuli’ina uku Eloi pinai umu‐akanave.

²⁰ A’a kuruane u Eloi umu‐awkana, una aroa a’a ane u vai’i‐awkava’ane, u arauau vaki; uku u ane una aroa a’a u umu‐a‐awkanakea aroa a’a u inamu‐oiane euna, Eloi ane u inamu‐oiape u umu‐awkavai liapea.

²¹ Voa ane enei mi’ina U mere voa eire, u ane u Eloi umu‐awkana, una aroa a’a awku u umu‐awkavai limakina.