1 Ioane 1 - Kuruei Voa Nawawrea 1920

¹ Awku ane pinai pani, mere kei’inave, awku ane enei viriane euna, ene inamu ane oro inamu‐eiane euna, ene eve ane nekeane euna, uku Rokoa anu Voa eiai,

² Rokoa ane U ipawkiakei’inave, enei inamu‐oiane euna ane, ioneli’ina ane, Opai Rokoa ane Mai kiripai ua‐rokoanave enei ipanakina, U ane U ipakiakei’inave,

³ Awku ane enei inamu‐eiane euna, eviriane euna ane, eai enei nakina, uku noro awku enei kiripai aua‐miane‐iai, ei aua‐mia enei kiripai aua‐mia keina Mai kiripai, Una Mere Iesu Keriso kiripai ane.

⁴ Ei awku eiai enei kikirina uku ene kopai evopoa?-?keia’ane‐iai.

⁵ Iva voa eire enei viriane euna Amua Iesu mere, eai nakina ane, Eloi pamea rokona, U laru ai muru eria uakeina.

⁶ Pani ane enei muru ai are rokoamakeia’ane enei kuruane, U kiripai enei aua‐mi’ina, arauau voa enei kuruna, voa miki enei a‐kurunakea.

⁷ A enei pamea ai are rokoa’ane, orau U pamea ai ua‐rokona, ene a’a kiripai enei aua‐ami’ina, Iesu, Una Mere enu aro urupu‐aina namea uriria mere.

⁸ Enei kuruane enei namea eria mi’ina, enei ewaea‐akana, voa miki ene umu laru ai mako eria mi’ina.

⁹ Ene namea enei iki e’?-?eiane, U miki rokona, anana ane, paue’amiai ene namea eiai, urupu‐aiai ane namea uriria mere.

¹⁰ Enei kuruane enei namea liape, enei kuruna U arauau rokona, Una Iva voa ene umu laru ai mako eria mi’ina.