Zefania 1 - Iaai Bible 1901 (New Caledonia)

¹ WALANG hofuc ho Iehova ame o kö Zefania nöku Kusi, nöku Gedalia, nöku Amaria, nöku Hezekia, hnyi je bong bongu Josea nöku Amona, than Juda.

² Haingö Iehova, ka habe, Oge me he ka ti ohia ta je ûnyi hia thithö ûnyi hnyi hon kânâ.

³ Oge me he ka ohia tavat ke omeno; oge me he ka ohia omeno ame gâ ethö, ke ta je wâ eû hnyi köiö, ke ta je ûnyi ame öhaûâ, ke tavat minya ae kong; me oge me he ka subâ degecâ at ûnyi hnyi hon kânâ haingö Iehova.

⁴ Ke oge me he ka hai hnyamok ka hnyi hon at Juda, ke tavat hia adre me laba hnyi Jerusalema; ke oge me he ka subâ degecâ ûnyi hnyi dok ang je kolon Baala, ke ien tavat bihut ka je hnatheat, tha ödra me tavat bihut;

⁵ ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

⁶ ke tavat adre me hmetu unyi Iehova; ke tavat adre me ca elöm Iehova, me ca hnö e.

⁷ Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.

⁸ Ke haba hnyi bonginy hut anyi Iehova, me oge me he bi nya ka bi hwaban ta je taben, ke lakon than, ke tavat adre me khavâ je ûkhaûiny ta je hnyei bi.

⁹ Ke hnyi bong eling oge me he ka bi hwaban kodra hia, a tavat adre me gâ hanyâûâ hwanuma, tavat adre me öunöngötâ je uma umen je tuhödra ge ûkonguny me thoi.

¹⁰ Ke haingö Iehova, Haba hnyi bong eling me ame he bi ka hu hwatenge hnyi homagouleny wâ, kʼ ame he ka hu kuku tenge hnyi ke keihen a loiny, ke dia ae gan hnyi je hut.

¹¹ Kuku tenge thʼ öbun tavat öbun e laba hnyi Maketas, anyin adre kot hia thö hnyei Kanana: adre subâ degeci ödra hia tavat adre me ngenu me sileva.

¹² Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

¹³ Ke ame be ka hnân söh bi je omjehedra, ke ame he ka ba wan umödra je uma: eke, adre me he ka op je uma ke adre me ca he bi ka labâ; adre me he ka belöki vine, ke adre me ca he bi ka ic wainainy.

¹⁴ E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

¹⁵ Haba bong eling bonginy hmonyin, bonginy vec me hlöuhlöu, bonginy hnaûhango me öba wan, bonginy lit me menekholom, bong ae hu ûlâ me khömet,

¹⁶ bonginy fuc trutru me öbubuny ka hnyi je taun adre up haginy, me je tap tue görany.

¹⁷ Ke oge me he ka ovecâ tavat, mʼ adre me he ka he helâ me je wadröu, anyin adre hia but ânyâ hulö kö Iehova: ke adre me he ka hingâlâ drö-dra helâ me sesâ, me utioidra minya helâ me tatet.

¹⁸ E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.