Zakaria 5 - Iaai Bible 1901 (New Caledonia)

¹ KE inya hmetu oge me bwela me wâ, ke wâ bi tusi adre vhec at ame gâ.

² Ke e ame ha könya, ka habe, Ieû u je wâ? ke haingök ka habe, Inya oge me wâ tusi adre vhec ame gâ; twente kubit ibeûen e, ke ten kubit ûlauen.

³ Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e.

⁴ Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

⁵ Me ame he but angela at ame ûhnenamö mönya, me ha könya, ka habe, Bwele thö walang ang, me wâ thö ie ûnyi ang ame he but.

⁶ Ke haingök, ka habe, A ieû e? Ke e ame ha könya, ka habe, Walang efa at ame he. Ke haingen, ka habe, Walang hnân oûcû ödra hnyi hnyei hia:

⁷ (ke wâ bi, adre me kap görany ai talan led:) ke walang ke momo ame laba hnyi wanben efa.

⁸ Ke haingen, ka habe, Wale Hwakecin ae Kong; ke e ame khûâ hnyikânâi momo, ka hnyi wanben efa: me e ame khûâ tulut led ka hnyi hnyimen ûnyi e.

⁹ Ke inya oge me bwele me wâ, ke wâ bi, li momo ödru me o, ke e hnyi li labenyidru ang; ke ve hu labenyidru helâ me labenyin kasida: ke ödru me kap goranyai efa hnyi wanben hmeledrany me drany.

¹⁰ Me oge me ha ka angela, at ame ûhnenamö mönya, ka habe, Ödru me hom kâ efa?

¹¹ Ke haingen könya, ka habe, Ödru me he ka bi umen uma hnyi hnyei Sinara: ke e ka penapena, adre me he ka ip momo hnyin wale hnyi hing taben lap.