Zakaria 4 - Iaai Bible 1901 (New Caledonia)

¹ KE ame hmetu angela, at ame ûhnenamö mönya, me ohmakö nya, helâ me hna ûöhmak hnyi hna mokut.

² Me haingen könya, ka habe, Ieû u je wâ? Me haingök, Inya oge hia but wâ, ke wâ bi taben lamepa a gol hia, ke hu kaiainy hnyi ban e, ke je lamepainy a seven ethö hon e; ke seven je deny wakaco ka hnyi je lamepa hnyin e:

³ ke hu lo li elaio hnyi baten e, khaca hnyi ke keihen metân kaia, ke khaca hnyi ke keihen me.

⁴ Me oge me thu me ha ka angela at ame ûhnenamö mönya, ka habe, Tuhok lö, ie je ûnyi e?

⁵ Me ame ha könya angela, at ame ûhnenamö mönya, ka habe, Hawa, e ca hanö u bongon ta je ûnyi e? Me haingök, ka habe, Tuhok lö, e ca khanö nya.

⁶ Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

⁷ U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

⁸ Ke ame o but könya hofuc ho Iehova, ame ha, ka habe,

⁹ A hia but hnyamö Zerubabela bi taben uma eang; me ame he li hnyamen ka oumo e; me u me he ka wâ a ga kunö nya köbun Iehova tuhan sabaoth.

¹⁰ Ke ie at ame hia but hûkötiâ bonginy ûnyi ae ûhnyûkong? anyin a haba hnyat ang a seven, a je emakö Iehova, me ödrin e he ka senyin ödrin ka wâ tulut tot hnyi hnyamö Zerubabela; ke ödrin e vheno hmeledrany hia.

¹¹ Me oge me thu me ha kâu, ka habe, Ieû li elaio eling hnyi ke keihen a metân taben lamepa, ke meny?

¹² Me oge me olo thu, me ha kâu, ka habe, Ieû li anginy elaio wale hnyi deny hingâlâ wakaco a gol, wale hnân hingâlâ wakaco gol ûnyi hnyin?

¹³ Me e ame ha könya, ka habe, E ca khanö u bongon li ûnyi e? Ke haingök, ka habe, Tuhok lö, e ca khanö nya.

¹⁴ Ke haingen, ka habe, Wale li lakon wakaco, a li at ödru me tot hnyi hnyimakan Thaniny hmeledrany hia.