Tito 1 - Iaai Bible 1901 (New Caledonia)

¹ INYA Paulo athnyabainy Khong, me aposetolo anyi Iesu Keriso, hoton labageju anyin tavat a ûcʼ ödra Khong, me hna wâhmakhmetoâ hnathu hoton hwakecin ae ûcû me Khong,

² hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

³ ke ame omanenâ hwan hofuc hnyi anyin je ûen, ge hna khetâ, waleji adre me hna könya hoton hna hûna ge Khong At a omeli ötâ;

⁴ oge me sihnalimen kö Tito, a hing nokuk hnyi labageju a khaca bongon: E so e unyâm ibetengiö baû me hnahic ûnyi ge Khong a Kamen, me Keriso Iesu At omeli öta.

⁵ Oge me hnö u hnyi Kerete can ang, a u me he bi ha oumo ta je huliwa adre me tiga ca ânyâ, me otilâ wahingat hnyi ta je taun, helâ me hnok hna hûna köu;

⁶ e ka hu ke at ae ba hnyikongon, a khaca thibi âiân, ke hu lakon ödrin e labageju, kʼ ödrin e ca lung kong hnyi hwakecin khâlânden me ca ûling.

⁷ Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

⁸ ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

⁹ at ame kât hmâ hofuc ae hnathu, helâ me hna nâ, me me khana he ka ûnö hna ûne hnân melen, me ohmehmelâ tavat adre me ivinö.

¹⁰ Anyin e hu tavat ae se hia adre me ca ûling, tavat fuc baû me iyawo, ke ti nua bi ge tavat adre peritomonâ,

¹¹ e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

¹² Haba ke at gadra, a anyidra ke perofeta, ame ha ka habe, Haba at Kerete, me ödra tavat thoi bala, me ta je meno ûkûc ae kong, me tavat hwenhmiâ ae höcö huliwa.

¹³ E hnathu hna ha e. Anyin a wale u ma hwege nʼ ödra, mʼ adre me he ka so but hnyi labageju,

¹⁴ me ca he bi ka kap ta je vekhet anyin at Juda, me ta je hna hûna hnen tavat adre hia but saû ûnyi hnyi hnathu.

¹⁵ E kalaöt ta je ûnyi hia ka tavat ae kalaöt hnyok: ke haba tavat ae ikiki je hnyekudra me ca labageju, me hake ûnyi ae kalaöt kodra; anyin ae ikiki but je oûnykûmidra me anyidra minya ûnykûm sa.

¹⁶ Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.