Salamo 97 - Iaai Bible 1901 (New Caledonia)

¹ IEHOVA ame musi; e so e hobâ hmeledrany; E so e senyin ta je bomene ae se hia.

² E igigilo e je ûlâ me menekholom: Haba taben anyin theron, me, hwakecin ae wisa me hna owisa.

³ Ame he but meic hnyi hnyimakan, Me thong degecâ igigilo ta je iwahnaihmiony mē.

⁴ Ame umumelam hmeledrany ge anyin ta je hucuce: A wâ but hnen hmeledrany me öbubuny bi.

⁵ Ame köiö but je ong bucen hnyi hnyimakö Iehova helâ me wasu, Hnyi hnyimakan Tuhan hmeledrany hia thithö.

⁶ Ame omanenâ hwakecin ae wisa hnen ta je drany, Ke a hia but wâ hnen ta je hnyei anyin hmanenang.

⁷ E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

⁸ A long ut Ziona me senyin, Kʼ adre me hobâ wahlu laku Juda; Can hnâm ta je hna owisa, Iehova.

⁹ Anyin a u beönua hmönyin Iehova hon hmeledrany hia thithö: Adre ti ogöranyi u hon ta je khong hia thithö.

¹⁰ Öbun tavat öbun e hnyok kö Iehova lö, ikikiâ thö monu: E ame tuö ta je hanon anyin wa kap; E ame hûgûnʼ ödra ûnyi hnyi hnyamen tavat ae kong.

¹¹ Adre ta melam hobi kâu at ae wisa hwakecin, Me senyin hobi kâu tavat hnyok wisa.

¹² Öbun tavat ae wisa lö, senyin dö kö Iehova; Ke ole thö ka ien ae kap.