Salamo 92 - Iaai Bible 1901 (New Caledonia)

Salamo, wale khumöng hobi kâu bong sabath.

¹ HULIWA ae so he ka ole kö Iehova, Me khumöngö iâm, Beönua:

² He ka omanenâ ânyâm ibetengiö hnyi hnyomakatu. Me ânyâm hnathu hnyi je lit;

³ Hnen ûnyi khumöng ae hu je toiny a ten, me nabeli; Me hwan kitara ae ûnyi hnathu.

⁴ Anyin a u thibi Iehova at ame osenyini nya ge ânyâm huliwa: Oge me he ka ohobeluâ hnyi ta je huliwa anyin li hnyamâm.

⁵ Iehova lö, shaiba ge ûganiny ânyâm ta je huliwa! E dit hmönyin hnâm ta je hna ûnykûme.

⁶ E ca khana bi at ae ba hnyekon; Kʼ ame ca wâhmakhmeto e hnen at ae monu.

⁷ E ka kû thö helâ me hnaonying tavat ae kong, Ke hu sot ge tavat hia adre me ânyâ hulo; Me haba obiny kodra a gʼ adre me he ka ohiʼ odra balua.

⁸ Ke haba u Iehova, u je laba ethö gorany nyiele balua.

⁹ Anyin a wâ bi, Iehova, ta je iwahnaihmiöny möu, Wâ bi, ame he ka hia ta je iwahnaihmiöny möu; Adre me he ka oveseâ hia tavat adre me ânyâ hulo.

¹⁰ Anyin a u je hia but ogöranyâ anyik faoiny meno helâ me faoiny rema: Adre me hû nya ge wakaco ae teb ûnyi.

¹¹ A hia but wâ minya hnen li emakök hnok hna wek ka ta je iwahnaihmiöny mönya A hia but long hnen li hnyikönyök hnok hna wek ka tavat ânyâ hulo adre tot könya.

¹² Ame he at ae wisa ka kû wia helâ me pama: E ame be ka kû gan hmâ helâ me arasi Lebanona.

¹³ Haba ödra adre me tʼ ödra hnyin uma umo Iehova, Me adre me he ka kû wia hnyi je hnyeuleny Khonguta.

¹⁴ Adre me he bala ka wa kʼ ödra hingat ut; Adre me he ka pipikhenya me hât.

¹⁵ He ka omanenâ a e wisa Iehova; E thibi kicik, ke ba balua hwali gan.