Salamo 81 - Iaai Bible 1901 (New Caledonia)Hobi kâu at vhik khumöng: adre hai hnyi Gitith. Salamo anyi Asafa. 1 KHUMÖNG hwege thö ka Khongon tang hwegiöta: Hongot senyin dö ka Khongu Jekob. 2 Vec dö salamo, ke hom jem bwinybet, Me kitara a adre me belöng, me nabela minya. 3 Tûâ thö trutru hnyi ûlabainy tehi, Hnyi tehi a bekhot hnyi bongon anyita bijeû ae ûnyi hnathu. 4 Anyin a hnanyibu ling kö Isaraela, Hna hûna hnen Khongu Jekob. 5 E ame otilâ e unyi Josefa hnân ohnathoâ, Hnyi ûheny dut hnyi hnyei Aigupito: Waleji hnyi ûen oge me long hwan hnyei ae ca khanö nya. 6 Oge me uny jut hok ûnyi hnyi li abenyin: Adre thang li hnyamen ûnyi hnyi tang. 7 U je khöû hnyi vec, me oge me omeli u; Oge me thu köu ûnyi hnyi dok ae iyong, a umen hwan than; Oge me cubic u hnyi je köien Meriba. [Sela. 8 Lakeik lö, long ju, me oge me he ka ha cicö köu: Isaraela lö, u na he ju ang ka long könya! 9 Ame ca he ka e unyâm ke khong kanyua; Ke u me ca he ka khudrung ka khongon ke hnyei. 10 Inya thibi Iehova Khongom, At ame hum u but ûnyi hnyi hnyei Aigupito: Memang gan hmâ but hnyimâm, me oge me he bi ka öunöngötâ e. 11 Ke haba lakeik adre me ca long ifucik; Kʼ ame ca ogo nya bi Isaraela. 12 Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra. 13 E na he ju lakeik ba ling nya, Me vheno dek je gethen hnen at Isaraela! 14 Oge me he ka ie ngâ je iwahnaihmiöny mödra, Me wia ju hnyamok ka tavat adre me oveci ödra. 15 Ame he tavat adre me hûkötiö Iehova he ka iyâû kâu; Kʼame he ka tethmâ balua bi bongudra je bong. 16 Ke e ame he ka haödra ge hwit ae ti so: Me osekuni u ge hani ûnyi hnyi kic. |
maintained by the British and Foreign Bible Society
Bible Society of the South Pacific