Salamo 8 - Iaai Bible 1901 (New Caledonia)

Hobi kâu at vhik khumöng; adre me hai hnyi Gitith. Salamo anyi Havila.

¹ IEHOVA lö, Tuhöhmun, E ti so iâm hnyi hmeledrany hia thithö! U je hia but ip ânyâm hmanenang ethö hon drany.

² Ûnyi hnyi hnyimen ta je mendring me ta je inma u je otilâ tang hwege, Can ta je iwahnaihmiony möu, Mʼ u me he ka olaba wia iwahnaihmiony, me at ame bi hwaban hmetu.

³ Oge me wâ hmâ ânyâm drany a huliwan ge ta je banyâm, Wale tehi me ta je okhû u je hia but otilâ;

⁴ Ehö at bi, mʼ u me ke ka ûnykûme gan? Me nokon at, mʼ u me he ka senâ?

⁵ Anyin ʼa u je op e me me omi ûhnyûkong bi hnyi hmelen Khong, Me obicâ e ge mec me ûoganö.

⁶ U je otilâ e he ka muso ta je huliwa anyin li hnyamâm; U je hia but ip ta je ûnyi hia thithö eû hmelen li can:

⁷ Ta je mamoe me ta je bolok hia, Eke, me ta je menoiny hnyot:

⁸ Ta je meno ame gâ ethö, me ta je wâ eû hnyi köiö, Me ta ûnyi hia adre me ka ve vheno dedra je gethen hnyi köiö.

⁹ Iehova a Tuhöhmun lö, Shaiba ge ûnuainy iâm hnyi hmeledrany hia thithö!