Salamo 71 - Iaai Bible 1901 (New Caledonia)

¹ IEHOVA lö, oge me labageju köu: Iny na ca he bala ju ka hmehma.

² Omeli nya ûnyi ge hwakecâm ae wisa, me uny nya: Tevehling nya ju, me omeli nya.

³ Hamâm bi he ka kicik hnân laba hnyin, me inye labö he bala ka hnyin: U je hia but hûna he ka omeli nya; Anyin a u thibi kicik me hnok hnabâ.

⁴ Khonguk lö, uny nya but ûnyi hnyi hnyamen at ae kong, Ûnyi hnyi hnyamen at ae ca wisa me at ûokonguny.

⁵ Iehova lö, Than, u thibi hnok hna laba gejon; Oge me labageju köu, hwân kʼ iny tiga hidröu.

⁶ Ame kap tilö nya ûnyi gam hwân hnyi hna hnöku nya: U thibi at u je hum nya but ûnyi hnyeku bai: Oge me he bala ka oganö u.

⁷ Iny ûcû me ûnyi hnân lâiâ gan ka tavat ae se hia; Ke u thibi hnok hnabâ ae hwege.

⁸ Ame he ka unöngötö hnyimök ge hna oganö u, Me ge hmanenangâm hnyi je bong hia.

⁹ Ca he ka hna degeci nya hnyi ûen a iny hingat; Ca hna degeci nya bi e ka hia but hwegiök.

¹⁰ Anyin ame ûsabö gak je iwahnaihmiöny mönya; Ke haba tavat tuö hanuk adre me vhök ûhnenamö,

¹¹ Haiugödra, ka habe, A hia but Khong hna degecâ e: Wadring dö hoton me kât e; anyin ae ba at ame he ka omelo.

¹² Khong lö, ca ûsâkâûö mönya; Khonguk lö, logotö he ka hadruo nya

¹³ E so adre me he ka hmehma me hiʼ ödra but je iwahnaihmiöny me hanuk; E so e he ka khaûʼ ödra adre me elâm he ka okongu nya ge ûhaikonguny me hloûhloû.

¹⁴ Ke ogo me he ka geju bala bi, Me bi hanen tilâ ka hnyi hnok hna oganö u.

¹⁵ Ame he hnyimök ka ha gaga hwakecâm ae wisa, Me ânyâm ûhömeli hnyi ta ogo bong; Anyin ae ca khanö nya ûseiny e.

¹⁶ Oge me ka o hnyi man mani Iehova Than: Oge me he ka ha thibi hwakecâm ae wisa, a hwakecâm thibi

¹⁷ Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

¹⁸ Eke, Khong lö, ca he ka hnö nya hnyi anyik hingat me hûen; Mʼ inye mē he ka omanenâ tang hwegiâm ka ke dö, Ke manâm man ka tavat adre me he ka o.

¹⁹ Khong lö, e ti beönua hwakecâm ae wisa; U at ame hia but ânyâ ta je ûnyi ae gan hmâ, Khong lö, ie at ae ûcû möu?

²⁰ Haba u at ame omanenâ kohmun je vec ae hwege ke se hia, Me u me he ka hmetu ka omeli ohmun, Me hum ohmun hmetu goranyai ûnyi hnyi je dok a diliny hmeledrany.

²¹ Bi hanen ju ka hmanenangik, Ke hmetu bi me okahwö nya.

²² Khonguk lö, oge me he ka oganö u ge; nabeli, Wale ânyâm hnathu: At ae Kap anyi Isaraela lö Oge me he ka khumöng olungi u ge kitara.

²³ Iny ka khumöngi u, me ame he li esongodik ka senyin gan hmâ; Me hanuk minya, waleji u je omelo.

²⁴ Ame he bohmök ka ha hnyi je bong ge hwakecâm ae wisa: Anyin a ödra hmehma me monumonu tavat adre me elâm he ka okongu nya.