Salamo 4 - Iaai Bible 1901 (New Caledonia)Hobi kâu At vhik khumung; hnyi Neginoth. Salamo anyi Davita. 1 KHONGON hwakecik ae wisa lö, ling nya ju, iny ka hawo u; U je hia but thong nya ûnyi hnyi anyik vec, Betenge ju könya, me long hijik hic. 2 Lakon at lö, öbun e he ka wia soik me me hnân hmehmâ ke ne o but kehö? Kʼ öbun e he ka hnyokâ ûnyi ae ûnyi baû, me elâm thoi, ke ne o but kehö! [Sela 3 Me khanʼ öbun dö a Iehova ame hia but hake ip at ae kap hobi kâu e bi: Ame he Iehova ka long iny ka hawâ 4 Ot ju, ke ca ânyâ bi hulo: Ûhnenamö thö me je hnyekubun hon hnobun hna mokut, ke ca bwebwet bi. [Sela 5 Hudo thö ta je hudiny hwakecin ae wisa, Ke labageju thö kö Iehova. 6 E hu tavat ae se hia adre me ha, ka habe, Ie at ame he ka omanenâ köta so? Iehova lö, ogöranyâ thö humun melaminy hnyimâkâm. 7 U je hia but ip hnyi hnyekuk senyin Ae gan hon ûen adre osehia anyidra hwit me waina. 8 Oge me he ka hlöhlöu me mokut minya hnyi hnahic: Anyin a u thibi Iehova ame olabö nya, khötkici nya. |
maintained by the British and Foreign Bible Society
Bible Society of the South Pacific