Salamo 3 - Iaai Bible 1901 (New Caledonia)

Salamo anyi Havila, hnyi ten e ame kec ga Abasaloma nokon.

¹ IEHOVA lö, adre me osehia je iwahnaihmiony könya! Ödra se hia tavat adre me tot könya.

² E hu tavat, ae se adre me ha ge hanuk, ka habe, E ba ûhadruo hobi kâu unyin Khong. [Sela.

³ Ke haba u, Iehova lö, u thibi bec igigili nya; Ke hmanenangik, me at ame ogöranyâ bok.

⁴ Oge me hongot kö Iehova ge ifucik, Me e ame thâ könya ûnyi hnyi anyin bucen ae kap. [Sela.

⁵ Oge me hlöhlöu me mokut; Ke oge me hmak hmetu; anyin a Iehova ame ohwegiö nya.

⁶ Oge me ca he ka outen tavat a ten thuzan, Tavat adre me tot metâ könya igigilo.

⁷ Iehova lö, todrö; Khonguk lö omeli nya thö: Anyin a u je hia but kot wahicen je iwahnaihmiony mönya; Ke u je thu hmetro ga nyon tavat ae monu.

⁸ E unyi Iehova ûhomeli: E na e ju ânyâm hnahic ka hnyi hon lakem. [Sela.