Salamo 21 - Iaai Bible 1901 (New Caledonia)

Hobi ai vhik khumöng. Salamo anyi Davita.

¹ IEHOVA lö, ame he than ka senyinâ hwegiâm; Ke haba ânyâm ûhomeli, shaiba ge hnen hna senyinâ!

² U je hia but ham kâu weny hnyekon, Me ca behânâ bi hna sumâtâ hnen li esongodiny. [Sela.

³ Anyin a u je outhmoko e ge ta je hnahicin betenge: U je obicâ e ge korona gol ae so.

⁴ E ame sumatö möt gam, me u je ham kâu; Wale ta je bong ae beû ke ne o but nyiele balua.

⁵ E gan anyin mec ûnyi hnyi ânyâm ûhomeli: U je ip hon, hmanenang me ogânâ.

⁶ Anyin a u me wia e me me ti hnahic nyiele balua: U je osenyinâ e ge senyin hnyi hnyimâkâm.

⁷ Anyin ame labageju but than kö Iehova, Ke ûnyi ge ibetengiö anyi Beönua e ame ca he ka bwebwet.

⁸ Ame he hnyâmâm ka wâ hia ta je iwahnaihmiony möu: Ame he hnyâmâm a metâm ka wâ tavat adre me hûkötiö u.

⁹ U me he ka oûcû ödra me ûgimön hnyi bonginy ânyâm hmonyin. Ame he Iehova ka utʼ ödra hnyi anyin hmonyin, Ke adre me he ka aû but ge meic.

¹⁰ U me he ka ohia wan gadra ûnyi eang j hmeledrany, Me je mâtrânidra unyin lakon tavat.

¹¹ Anyin adre me ûnykûme ûnyi ae kong köu: Adre me sihnân, ke ca khanʼ ödra bi ânyâ.

¹² Anyin a u me he ka hwio hotudra, U me he ka penapena toiny ânyâm cafana ka hnyi hnyimakodra.

¹³ Iehova lö, e so u ma beönua hnyi manâm man: Me ohmun e he ka khumöng me oganâ manâm man.