Salamo 2 - Iaai Bible 1901 (New Caledonia)

¹ IEÛ can ame imonumonunyköu ta je hnyei, Kʼ ame ûnykûme ûnyi ae ba troban ge aten ta je hnyei?

² Haba je tuhan hmeledrany adre me tet metâ, Ke ame tha ûsabö je taben, He ka hagutö Iehova me at e ame hû me haingödra, ka habe,

³ E so ate me thamuâ hnödru je hna ca, Me degec gata hnödru je hna hûkâlâ.

⁴ Ame he at ame laba ethö hnyi drany ka hluma: Ke ame he than ka hiʼ ödra.

⁵ Me e ame he ka fuc kodra hnyi anyin hmonyin, Me ohmaki ödra hnyi anyin wathethot:

⁶ Ke so bi oge hia but otilâ anyik than Hon Ziona, anyik bucen ae kap.

⁷ Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

⁸ Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

⁹ U ma he ka thamûʼ ödra ge uci a fao; Me sa omomonu ödra helâ me utkaia adre op.

¹⁰ Anyin a wale metâ thʼ öbun je than: Ke haba öbun hnyat owisa eang hmeledrany, hitangen ju hna ûne.

¹¹ Bi athnyaba ju kö Iehova me ot, Ke senyin dö me öbubuny.

¹² Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.