Salamo 16 - Iaai Bible 1901 (New Caledonia)

Salamo anyi Davita.

¹ KHONG lö, tuö nya ju: anyin a inya oge me labageju köu.

² Oge hia but ha kö Iehova, ka habe, U thibi Tuhok: E ba soik ke unyâm thibi.

³ Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

⁴ Ame he ka se hia vec ka tavat adre me hwio ka ke khong: Oge me ca he ka hudo anyidrin je hudiny dra hnân ic, Ke hom ta je iödrin ge li esongodik.

⁵ Iehova thibi jekhöûk me anyik kaia; U thibi at ame otethmâ jekhöûk.

⁶ A aat dö könya je tulut hnyi dok ae so hmonyin; Eke, e so könya ik.

⁷ Oge me he ka oganö Iehova at ame nö nya: Eke, ame siwhegiö nya hnen hnyekuk hnyi je lit.

⁸ Oge hia but ip Iehova bala hnyi hnyi-makök: Oge me ca he ka bwebwet, anyin a e bi hnyi ke keihök a metök.

⁹ Anyin a wale ame senyin hnyekuk, me hobâ anyik mec: Ame he but minya unyik ka laba hnyi gejon.

¹⁰ Anyin a u me ca he ka hna but hanuk ka hnyi hedis; Ke u me ca he ka hna degecâ atâm ae kap he ka wâ hna bobot.

¹¹ U me he ka omamenâ könya gethen deny möt: E unöngötö senyin hnyi hnyimâkâm; Ke e hnyi hnyamâm a metâm ta je ûnyi hnân osenyinâ nyiele balua.