Salamo 148 - Iaai Bible 1901 (New Caledonia)

¹ OGANÖ Ja thʼ öbun. Oganö Iehova ju öbun ûnyi ethö hnyi drany: Ogânâ thö e hüyi je dok ae gorany.

² Ogânâ thö e öbun anyin ta je angela hia thithö: Ogânâ thö e öbun tavat hia e ame op.

³ Ogânâ thö e öbu seûno me tehi: Ogânâ thö e öbun hia ta je okhû ae umumelam.

⁴ Ogânâ thö e öbun je draniny drany, Me öbun ta je köiö ethö hon drany.

⁵ E so adre me he ka ogânâ iö Iehova: Anyin a e ame hûna, me up ödra.

⁶ E ame hia but otetmʼ ödra minya nyiele nyiele balua: E ame hia but ip hnanyibu wale ame ca he ka hia but.

⁷ Oganö Iehova thö eang hmeledrany, Öbun ta je tanimo me ta je dok hia ae dit:

⁸ Meic me we wahma, kiona me hai; Ang ae hwege, at ame hwâdâ hwan hofuc:

⁹ Je bucen me je hut hia; Je ûö ae wa me je arasi hia:

¹⁰ Je meno ae hiny me je meno hia ae hnam; Je ûnyi ame iyâû me ta je meno ame gâ:

¹¹ Je tuhan hmeledrany me ta je hnyei hia; Je taben me tavat owisa hmeledrany hia;

¹² Je wahidröu me wahlu minya; Wahingat me je wanakat:

¹³ E so adre me he ka ogânâ iö Iehova; Anyin ae hake gorany thibi ien: Ethö hon hmeledrany me drany anyin hmanenang.

¹⁴ Ke e ame hia but ogöranyâ faoiny meno anyin lakeiny, Wale hna ogânâ hnen anyin wakap. A hnen laku Isaraela, hnyei ae hakekeny kâu. Oganö Ja thʼ öbun.