Salamo 146 - Iaai Bible 1901 (New Caledonia)

¹ OGANÖ Ja thʼ öbun. Hanuk lö, oganö Iehova thö.

² Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

³ Ca geju Öbun ka ta je than, Ke nokon at bi, wale ae ba hna ûhadruo unyidrin.

⁴ Ame he but homenâiny, me e ame hmetuhmetu ka hnyi kânâiny; Hnyi bong eling e ame ca ûnykûme hmetu bi.

⁵ Hnahic hnen at ame hadruâ e hnen Khongu Jekob, At ame labageju kö Iehova a Khongon:

⁶ Waleji ame op drany me hmeledrany, Me köiö me ta je ûnyi hia thithö hnyin; At ame tuö hnathu nyiele balua:

⁷ At ame ânyâ wisa ka tavat adre me oveci ödra; Kʼ ame ham jeû ka tavat a ödra mekihnânem: Iehova ame thang tavat adre cʼ ödra;

⁸ Iehova ame obwela ta je wadröu; Iehova ame otilâ wisa tavat adre me iyâû: Iehova ame betenge ka tavat ae wisa;

⁹ Iehova ame tuö ta je atkanyua; E ame cö je nakahme, me je safac; Ke e ame ohnyimenâ hnyikânâi gethen; deny tavat ae kong.

¹⁰ Ame he Iehova ka musi nyiele balua, Ziona lö, ame he Khongom ka musi ka ta je dö. Oganö Ja thʼ öbun.