Salamo 141 - Iaai Bible 1901 (New Caledonia)

Salamo anyi Davita.

¹ IEHOVA lö, oge hia but hongot köu, mweimwei thö könya: Long ju ifucik, iny ka hongot köu.

² E so e tethmâ hijik hic hnyi hnyimâkâm helâ me uto ae bo so; Ke hna ogöranyâ li hnyamok, helâ me hut adre me hudo hnyi je sahac.

³ Iehova lö, otilâ thö at he ka tuö hnyimök; Tuö ju hwanumen li esongodik.

⁴ Ca ohmehmela hnyekuk ka hofuc ae kong, He ka tha ânyâ hwakecin ae kong Me tavat adre me ânyâ hulo: Ke ca hnö nya he ka an ö ʼdra jeû ae senem.

⁵ E so he ka kuc nya hnen at ae wisa hwakecin, wale a betenge; Ke thawo nya, wale helâke wakaco hobi kâu ban; E so ame ca he bok ka höcö: Anyin oge me he bala ka hic, ödra ka ûokonguny.

⁶ Ame hugutâ anyidra tavat owisa ka hnyi ta je kic; Me adre me he ka long hok ta je hofuc anyin aa hnebwia.

⁷ Ame oveseâ ta je jeiöhmun hnyi hwanumen erkemok, Helâ me hnyi ûen at ame wia kânâ me seûtilâ e.

⁸ Anyin a e bi köu, Iehova a than, li emakök: Oge me labageju köu; ca hingâlâ bi melik.

⁹ Tuö nya ju ûnyi hnyi hnyimen hnewe adre hia but ip me hnok, Me je ofific anyin tavat adre me ânyâ hulo.

¹⁰ E so e he ka hnok tavat ae kong hnyi ûtödra je ert, Ke inya bi oge me he ka möt.