Salamo 140 - Iaai Bible 1901 (New Caledonia)

Hobi kâu ai vhik khumöng. Salamo anyi Davita.

¹ IEHOVA lö, hûgûnö nya but unyin at ae kong; Tuö nya ju ge at ûokonguny:

² Waleji adre me ûnykûme ta je ûokonguny eû hnyi je hnyekudra; Adre me labö ûkhacaköu he ka vat.

³ Adre hia but khet homakan ta je bohmödra helâ me on: Eû hnyi hmelen je esongodidra pâizoniny asip. [Sela.

⁴ Iehova lö, tuö nya ju ge li hnyamen at ae kong; Tuö nya ju ge at ûokonguny: Waleji tavat adre me ûnykûme he ka ötö nya.

⁵ Haba tavat bi gan adre hia but töu hnewe duöng, me ta je tö me hnok; Adre hia but thong ert eû hnyi baten gethen; Adre hia but ta je ofific me hnok. [Sela.

⁶ Oge me ha kö Iehova, ka habe, U thibi Khonguk: Iehova lö, long ju hok hwatenge.

⁷ Iehova a Than lö, tang hwegien melik, U je hia but tube bok hnyi bonginy vat.

⁸ Iekova lö, ca ham bi ta je weny at ae kong; Ca ohwâdâ anyin bihihwakecin; wâ adre nye gorany dö. [Sela.

⁹ Haba je hodra adre me igigili nya, Me so ame tubi ödra ge ûokongunyin je esongodidra.

¹⁰ E so ame ta ta je walep ae möt hudra: E so adre me khûʼ ödra ka hnyi meic: Me je thop ae dit, mʼ adre me ca he hmetu ka tot.

¹¹ Ame ca be at ame ha monu ka tethmâ hnyi hnyei: Kʼ ame he hulo ka hnu at ûokonguny he ka hagutâ e.

¹² E khauö nya but a gʼ ame he Iehova ka ânyâ wisa ka at ae vec, Me owisa ka at ae theduoc.

¹³ E hnathu ame he tavat ae wisa hwakecidra ka oleâ iâm: Kʼ ame he tavat ae wisa ka laba hnyi hnyimâkâm.