Salamo 139 - Iaai Bible 1901 (New Caledonia)Hobi kâu at vhik khumöng. Salamo anyi Davita. 1 IEHOVA lö, u je hia but elölöm nya, me wâhmakhmetu nya. 2 U je wâhmakhmeto ûlabaik me ûtilök, U je wâ ûnykûme ûnykûmenök hnyi dok ae sâkâû. 3 U je elâm wia dek gethen me hnok hna mokut, Me khenenâ dek ta je gethen hia. 4 Iehova lö, e ba bi ke hofuc hnyi bohmök, Ke wâ bi, u je wâhmakhmeto hia. 5 U je hia but theling nya hnyi hotuk me hnyimakök, Me ip hnyamâm huk. 6 E iyong huk metâ eling; E gorany e, ke ca khanö nya be ka ölö kâu. 7 Oge me he ka he kâ ûhek unyin hanom? Ke oge me he ka kec kâ ge hnyimâkâm? 8 Oge ne he ka ölö ka hnyi drany, me u ling: Ke oge ne ulolo hnok hna mokut hnyi hedis me wâ bi, u bi ling. 9 Oge ne he ka hom li labenyin hnyomakatu, Me laba hnyi can je köiö; 10 Me ame he hnyamâm ka su nya eling, Kʼ ame he benyâm a metâm ka kot nya, 11 Oge ne ha, ka habe, E hnathu ame he menekholom ka hûlûlûö nya, Kʼ ame he melam igigili nya ka lit; 12 Ke so bi ca hnân olidrâ bi köu menekholom, Me ame umumelam lit helâ me lany: E tha ûcû menekholom me melam köu. 13 Anyin a ânyâm li jebalainuk: U je tubi nya hnyi hnyeku bai. 14 Oge me he ka oleâ köu; anyin a hnân ot me lâiâ ge hnödra hna tretrau nya: Hnân lâiâ ânyâm ta je huliwa; Ke a wâ wia but e hnen hanuk. 15 E ca iyong köu unyik, Waleji hnyi hna up nya hnyi dok ae iyong, Ke hna huliwan hnyi je dok a diliny hmeledrany. 16 A wâ but unyik hnen li emâkâm kʼ iny tiga ca bekhot ut, Ke u je sihnalimen hnyi ânyâm tusi je ong outhunyik hia, Waleji adre me tretrao hnyi ke bong me ke bong, Ke tiga ba ke ûnyi ae bekhot. 17 Khong lö, shaiba ge soiny könya hnâm ta je hna ûnykûme! Shaiba ge ûseiny ae ti se hia! 18 Oge ne aû, me ti se hia hmönyin hon ta je waöny: Inya oge me hmak dö ke inya bala bi unyâm. 19 Khong lö, e hnathu u me he ka hlingâ at ae kong: Anyin a wale, ûsâkâûö but mönya öbun tavat öbun e mâdrâ dra. 20 Anyin adre me ûhnenamöi u kongu u, Adre me ha baûâ iâm, ta je iwahnaihmiöny möu. 21 Iehova lö, hawa oge me ca hûkotiâ tavat adre me ikiki u? Me vec minya ge tavat adre me bi tot köu? 22 Oge me ti hmiök hmönyin ödra: Oge me öû ödra a je iwahnaihmiöny. 23 Khong lö, elölöm nya thö, me wâ thö hnyekuk: Cubic nya ju, me wâ thö je ûnykûmenök: 24 Me wâ ju ame ne eû hnyi hnyekuk gethen deny monu, Ke su nya thö hnyi gethen a nyiele balua. |
maintained by the British and Foreign Bible Society
Bible Society of the South Pacific