Salamo 12 - Iaai Bible 1901 (New Caledonia)Hobi kâu at vhik khumung; adre me hai hnyi Seminith. Salamo anyi Davita, 1 IEHOVA lö, omelo thö; anyin ae ba at ae wisa hwakecin; Kʼ ame hia but tavat ae hnathu unyin lakon tavat. 2 Adre me ve ha thoi ka at ame laba hakekenyi ödra: Adre me fuc ge je esongodidra ae ûtakû, me hnyok lo. 3 Ame he Iehova ka subâ degecâ ta je esongot hia ae ûtakû, Me bohmen minya ame fuc bi gan: 4 Waleji tavat adre me ha, ka habe, Ame he ka tuhmun ge je bohmöhmun; E unyihmun bi je esongodihmun; ia tuhöhmun? 5 Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ. 6 Hofuc ae kalaöt je hofuc ho Iehova; Helâ me sileva adre le hnyi meic eû hnyi kânâ Wale adre oseven le. 7 Iehova lö, u me he ka tuʼ ödra, U me he ka tu ödra ûnyi ge dö ang nyiele balua. 8 Ame vheno je ke keihen hia hnen tavat ae kong, Ödra ka ogöranyâ hwakecin ae ikiki unyin lakon tavat. |
maintained by the British and Foreign Bible Society
Bible Society of the South Pacific