Salamo 113 - Iaai Bible 1901 (New Caledonia)

¹ OGANÖ Ja thʼ öbun Lathnyabai Iehova lö, ogânâ thö, Ogânâ thö iö Iehova.

² E so he ka haisoâ iö Iehova, Hwân walang ang ke ne o but nyiele balua.

³ E so adre me ogânâ iö Iehova, Hwân hnyi hna o thö seûno ke ne o but hnyi hna ûdiliny.

⁴ E beönua Iehova hon ta je hnyei hia thithö, Me anyin hmanenang hon ta je drany.

⁵ Ie at ae ûcû me Iehova Khonguta, Wale at ame laba ethö,

⁶ Wale at ame oûhnyûkongo e bi me me wâ Ta je ûnyi hnyi drany me hmeledrany?

⁷ E ame ogöranyâ at ae theduoc ûnyi hnyi sesâ, Me kap goranyai at ae ba ta ûnyi, ûnyi hnyi hna khûö thatûnyi:

⁸ Me me he ka tha olaba e me ta je than, Wale ta je tuhan lakeiny.

⁹ E ame wia momo ae toûnyi he ka tuö uma, Me me hnokoâ je lakon hnyi senyin. Oganö Ja thʼ öbun.