Salamo 11 - Iaai Bible 1901 (New Caledonia)Hobi kâu at vhik khumung. Salamo anyi Davita. 1 INYA oge me labageju kö Iehova: Anyin a ieû öbun e ha ka hanuk, ka habe, Kec dö helâ me meno ame gâ ka hnyi anyibun bucen? 2 Anyin a wâ bi, ame lau cafana hnen tavat ae kong, Kʼ adre me ip anyidra fana hnyi tö, Mʼ adre me he ka fana hnyi menekholom tavat ae wisa hnyekudra. 3 Adre me ne ohia ta je taben, Ieû ame he tavat ae wisa ka ânyâ? 4 E bi Iehova hnyi umen uma ae kap, Wale Iehova, ethö hnyi drany anyin theron; Haba li emakan ame wâ, kʼ ame cubec lakon at hnen li bademakan. 5 Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon. 6 E ame he ka ota helâ me we ta je hnewe hon at ae kong; Haba meic, me teio, me ang ame hiâ, me wale kaia a jekhöûdra. 7 Anyin ae wisa Iehova; kʼ ame hnyokâ hwakecin ae wisa; E ame he ka wâ hnyimakan at ae wisa. |
maintained by the British and Foreign Bible Society
Bible Society of the South Pacific