Salamo 102 - Iaai Bible 1901 (New Caledonia)

Hic hijin at ae vec, hnyi hna hûlûlûâ e, kʼ ame hingâlâ anyin tenge hnyi hnyimakö Iehova.

¹ IEHOVA lö, long ju hijic hic, Ke so e o but köu hok hwatenge.

² Ca ikhâlâ gak hnyimâkâm hnyi bonginy anyik vec: Tevehlöng ju könya; Ie thu thö könya hnyi bong oge me hongot hnyin.

³ Anyin a aû but bonguk ta je bong helâ me hainy meic, Kʼ ame hiâ thö je jeiok helâke uthmeic.

⁴ Ame kot ut me meleca hnyekuk helâ me hnaonying; Ke oge me hnying ut he ka an ök jeû.

⁵ E ûkeceköu thö je jeiok me vik Can hwan anyik ta je mâng.

⁶ Iny ûcû me kati hnyi hnyebuba; Iny helâ me mun at ame laba hnyi hwaban je hnyaba.

⁷ Oge me hmâkâ, ke haba iny Ûcû me wahelö ame hake laba hon uma.

⁸ Adre me labö hiö nya ta je iwahnai hmiöny mönya; Haba ödra adre me wathethot könya adre me hahnaûhangö nya.

⁹ Anyin oge hia but an dröu helâ me jeû, Me ûthueniken belik me dân ecmak.

¹⁰ Can ânyâm hmönyin me wathethot; Anyin u je hia but kop nya göranyai me hna degeci nya hmetu,

¹¹ Haba bonguk ta je bong me helâ me hmenu ae beû; Ke iny meleca helâ me hnaonying.

¹² Ke haba u Iehova lö, u me he ka laba nyiele balua; Me hna ûnykûme köu, ke ne o but ka hnyi je dö hia.

¹³ U me he ka tot me betenge ge Ziona: Anyin a ûen dut he ka betenge gan, eke, a o but ûen adre thu.

¹⁴ Anyin a lathnyabaem adre hnyok ka ta je vetoiny, Me betenge ge sesâiny.

¹⁵ Ke ame he ta je hnyei ka outen iö Iehova, Me ânyâm hmanenang minya hnen ta je tuhan hmeledrany hia thithö;

¹⁶ Anyin a hia but Iehova up Ziona, E manen dut e hnyi anyin hmanenang.

¹⁷ E ame hia but hwio ka hic hijin at ae ba ta ûnyi, Me ca hûkotiâ bi hijidrin je hic.

¹⁸ Adre me he ka sihnalimen ûnyi ang hobi kâu dö ame he ka o: Ke ame he ka oganö Ja hnen tavat adre me he ka op,

¹⁹ Anyin a e ame hia but selâdrâ jem ethö hnyi anyin dok ae kap; Iehova hnyi drany ethö ame wâ hmeledrany;

²⁰ He ka long mâng anyin at adre ca; He ka thang tavat adre me he ka hlingâ;

²¹ Me me he tavat ka ha iö Iehova hnyi Ziona, Me hnân ogânâ e hnyi Jerusalema;

²² Hnyi hna ûkhacaköu hnen ta je hnyei, Me ta je dokhu, he ka athnyabai Iehova.

²³ E ame oûhnyûkongoâ hwegiök hnyi gethen; E ame owakhaletâ bonguk ta je bong.

²⁴ Haingök, ka habe, Khonguk lö, ca he ka hum nya hnyi wanben bonguk ta je bong: Haba je hunaiâm, me, wale hnyi ta je dö hia.

²⁵ U je hia but bi taben hmeledrany kâû adrem; Ke haba ta je drany me wale huliwa anyin li hnyamâm.

²⁶ Ame he ka hia ta je ûnyi e, ke u tethmâ balua bi; Eke, ame he ta je ûnyi e hia ka amam helâ me ûkhaû; U me he ka wia e helâ me ûkhaû, mʼ adre me ke bongon bi:

²⁷ Ke tha ûcû bala bi hwakecâm, Ke ba obiny ta je hunaiâm;

²⁸ Haba lakon lathnyabaem, me, adre me he ka laba hmâ, Kʼ adre me he ka otethmâ je mâtrânidra hnyi hnyimâkâm.