Salamo 101 - Iaai Bible 1901 (New Caledonia)Salamo anyi Davita. 1 OGE me he ka khamöngö ibetengiö me hna owisa: Iehova lö, oge me he ka khumöng köu. 2 Oge me he ka metâ hnyi gethen ae wisa: Ie ûen u me he ka o hnyin könya? Oge me he ka he hnyin umök uma me hnyok ae wisa. 3 Oge me ca he ka ip ke ûnyi ae kong hnyi hnyimakök: Hûkötiânök hwakecin tavat adre me saû; Kʼ ame ca he ka kece könya. 4 Ame he ka ûsâkâûö mönya hnyok ae hwali: Oge me ca he ka khana ûnyi ae kong. 5 Haba at ame hâiâ duöngâ liamewaeny mē, me oge me he bi nya ka ohia: Oge me ca he ka hokhnyokâ at ae hwege hnyimakan, me at ame hnyok bi gan. 6 Oge me he ka ngele ka tavat ae hnathu hnyi hnyei, mʼ adre me he ka tha laba mönya: Haba at ame vheno gethen ae wisa, me e ame he ka bi athnyabaik. 7 Ame ca he ka laba eiö hnyin umök uma at ame iyawâ; Haba at ame ha thoi ame ca he ka tethmâ hnyi hnyimakök. 8 Haba hnyi je hnyomakatu me oge me he ka ohia tavat hia thithö ae kong hnyi hnyei; He ka subâ degecâ ûnyi hnyi taun anyi Iehova tavat hia adre me ânyâ hulo. |
maintained by the British and Foreign Bible Society
Bible Society of the South Pacific