Salamo 1 - Iaai Bible 1901 (New Caledonia)TUSI I. 1 HNAHIC hnen at ame ca vheno uhne-namö anyin tavat ae monu, Kʼ ame ca tot hnyi gethen deny tavat adre me ânyâ hulo, Kʼ ame ca laba hnyi tap taben at ame ûhiö. 2 Ke haba hnanyibu anyi Iehova, me wale anyin senyin; Kʼ ame labö ûnykûme ge anyin hnanyibu hnyi lany me lit. 3 Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ. 4 E ca helâe ge tavat ae kong; Ke ödra tha ûcû me unen hwit ame oû ang do. 5 Anyin a wale ame ca he bi tavat ae monu ka tot hnyi ûhnei, Ke tavat adre me ânyâ hulo bi, ka tot hnyi ûkhacaköu anyin tavat ae wisa. 6 Anyin a haba Iehova ame wâ gethen deny tavat ae wisa: Ke haba gethen deny tavat ae monu, me ame he ka ba but. |
maintained by the British and Foreign Bible Society
Bible Society of the South Pacific