Rutha 2 - Iaai Bible 1901 (New Caledonia)

¹ KE e hu waeny öiö Naomi, at tren omjeû ae gan, hanen lap anyi Elimelek; Boaza ien.

² Ke Rutha at Moaba ame ha kö Naomi, ka habe, Hnö nya but ka hnyi ta hnyei he ka hlo je wan hwit hnyi hoton at ame he ka betenge gak. Haingen, ka habe, He thö ûnguk.

³ Me e ame he, me o, me hlo hnyi hnyei hoton tavat subö bali; ke wâ bi adre oâ e ka hnyi ke keihen i Boaza hanen lap anyi Elimelek.

⁴ Ke wâ bi, ame o but Boaza ûheny Bethe-leema, me ha ka hnyat subâ, ka habe, E so e unyibun Iehova. Ke ödrin e thu, ka habe, E so Iehova ame ohnahici u.

⁵ Haba Boaza ame ha ka athnyabainy, at ame tuö tavat subâ, ka habe, Hlu e anyi ia?

⁶ Me haba athnyaba a homakan tavat subö bali, ame thu, ka habe, Wale hlu Moaba a tha o me Naomi ûheny Moaba:

⁷ ke ame ha, hlu ka habe, Ö iny na he ka hlo me thigâ hoton tavat subö bali wanben je thi bali: ke e ame o but me laba eang, but eja hnyomakatu ke ne o but walang ang, ke so bi hnyi ke ong ûen e ame me laba hnyi uma.

⁸ Haba Boaza ame fuc kö Rutha, ka habe, U me long, nokuk? U me ca he ka hlo hnyi ke hnyei, ke ca he ûheny ang, ke laba hmâ ju eang unyin lathnyabaik a je hlu.

⁹ Ke u me he ka wâ utkânâ ödrin e he ka subâ baliny, me he hotudrin; hawa, oge ca hia but hûna ka je hidröu he ka ca kalö u? ke u ka beic dö, he thö ka hnyi je kaia ka ic wale a sâû je hidröu.

¹⁰ Me e ame ta ju me nom hnyikânâi, me ha kâu, ka habe, Anyin a ieû u me betenge gak, me ûnykûme, kônya, ke iny atkanyua bi?

¹¹ Ke Boaza ame thu me ha kâu, ka habe, Adre hia but thumetu nya ge hnâm hna ânyâ ka ûngom hwaban mok a âiâm: ke u je hna degecâ kâmâm me hinyâm, me hnyei adre hnokʼ u hnyin, me he jem ka tavat u je ca wâ ehac.

¹² E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.

¹³ Me e ame ha, ka habe, Me betenge ju gak, tuhok; anyin a u je otubweli nya, me ha kônya a athnyabaem hofuc ae so, eja ke ne ca ûcû me lathnyabaem omomo inya.

¹⁴ Ke haba hnyi ûen han, me haba Boaza ame ha kâu, ka habe, He thö jem he ka hnyi han areto me hneû âm hnyi vinega. Me e ame tha laba me tavat subâ: ke adre me inâ kâu je hwit adre le, me e ame han me sekon ke hu kolon bi.

¹⁵ Ke e ame tot hmetu he ka hlo, me Boaza ame ha ka anyin je hidröu ka habe, E so e ame he ka hlo hnyi wanben je thi bali, ke ca oû bi.

¹⁶ Ke oc minya but keihen ûnyi hnyi je thi bali, me hna biju, me me he ka hlo, ke ca thawâ bi.

¹⁷ Me e ame hlo hnyi hnyei ke ne o but sahac; me e ame kokot ûnyi e ame hlo, ke helâ me khaca efa tap bali.

¹⁸ Ke e ame hijen me he ka hnyi taun: ke a wâ but ûngon ûnyi e ame hlo: ke e ame hom me ham kâu kolon hnen hna han.

¹⁹ Me ame ha kâu ûngon, ka habe, Ewa dok u je hlo hnyin hnyi bong ang? ke u je huliwa ua? E so e hnahic bi at ame ûnykûmi u. Ke e ame omanenâ ka ûngon at e ame huliwa unyin, me ha, ka habe, haba ien at oge me huluwa unyin hnyi bong ang, me, Boaza.

²⁰ Me Naomi ame ha ka ûngon, ka habe, E so e he Iehova ka ohnahicâ at ame ca degec anyin betenge ka hnyat ae möt me hnyat ae mok. Ke Naomi ame ha kâu, ka habe, E hakekeny at e kötin, ke e at a ti hanen anyitin lap.

²¹ Ke haingö Rutha at Moaba, ka habe, E ame ha minya kônya, ka habe, U me he ka laba hmâ me anyik je hidröu, ke ne o but ödrin e meno ik je nnyei hia.

²² Me haingö Naomi kö Rutha a ûngon, ka habe, E so u ma he unguk ka tha he me lathnyabainy a je hlu, mʼ ödrin e ca he ka iouny möu hnyi ke utkânâ bi.

²³ Me e ame laba hmâ me je hlu anyi Boaza he ka hlo, ke ne o but obiny hna meno bali me hna meno hwit: ke e ame tha laba me ûngon.