Roma 7 - Iaai Bible 1901 (New Caledonia)

¹ HNYAT me lakeiny lö, e ca khanʼ öbun (anyin a inya oge me ha ka! tavat ae khanʼ ödra wia hnanyibu,) a gʼ ame muso at hnen hnanyibu hnyi ûen anyin möt hia?

² Anyin a haba momo ae hu âiân ame ca thö hnen hnanyibu ka âiân ke tiga möt âiân a baga; ke e ka mokcu baga, me adre me thang ut momo ûnyi hnyi hnanyibu ge baga.

³ Anyin a wale a ne tha e momo me ke baga bi, ke tiga möt âiân, me adre me he ka hâiâ momo eling a e at bi ûnyi monu: ke e ka mokcu âiân, me! ûnyi baû but hnyi hnanyibu, waleling me me ca at bi ûnyi monu hmetu bi, e ka be ka ihok me ke baga.

⁴ Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

⁵ Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

⁶ Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

⁷ Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

⁸ ke haba hulo ame heleû ûen, me ame okûâ eû hnyi hnyekuk ûnyi ge hnanyibu je behnyekon hia: anyin a mok ut hulo e ka ba hnanyibu.

⁹ Iny möt ehac ke tiga ba hnanyibu, ke ame o but hnanyibu, me ame möt dö hulo, ke oge mok ut;

¹⁰ ke haba hnanyibu a hnân omeli, oge me wâ a hnân mekiny:

¹¹ anyin a haba hulo, ame heleû ûen, me ame iyawo nya hnyi hnanyibu, me hlingö nya ûnyi gan.

¹² Awe, e kap hnanyibu, me e kap hna hûna, me wisa, me so.

¹³ Hawa, hnân mekiny könya ûnyi ae so? Ohe, ke haba hulo, me me manen dut a e hulo bi, ame okûâ mok könya hnen ûnyi ae so:— me me ti kong gan hmâ hulo hnen hnanyibu.

¹⁴ Anyin ae khanʼ öta a haba hnanyibu me hanen hanu: ke iny aten bi nya unyin, adre ûcö nya ka hnyi hulo.

¹⁵ Anyin a haba hnok hna ânyâ, me ca khanö nya: anyin oge me ca ânyâ ûnyi oge me wek he ka ânyâ; ke oge me ânyâ ûnyi oge me hûkotiâ bi.

¹⁶ Ke oge ne ânyâ ûnyi oge me ca wek, oge me ogâ hnanyibu a e so.

¹⁷ Waleling me me ca inya hmetu bi at ame ânyâ e, ke so bi hulo wale at ame laba eû hnyi hnyik.

¹⁸ Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.

¹⁹ Anyin oge me ca ânyâ ûnyi ae so a wek bi, ke oge me ânyâ bi hulo wale oge me ca wek.

²⁰ Ke oge ne ânyâ ûnyi oge me ca wek, awe, ca inya hmetu bi at ame ânyâ, ke so bi hulo, at ame laba eû hnyi hnyik.

²¹ Waleling mʼ inye wâ hnanyibu ang, a e ka wek bi he ka mâdrâ so, me tha e mönya bi monu.

²² Anyin oge me senyinâ hnanyibu anyin Khong ûnyi ge at eû hnyi hnyik:

²³ ke oge me wâ ke hnanyibu minya bi hnyi je outhunyik, kʼ ame vat me hnanyibu eû hnyi hnyekuk, kʼ ame hwenbö nya ka hnyi hnanyibuiny hulo, at ame laba hnyi je outhunyik.

²⁴ Ekölö gak, iny at ae kong ut! ie at ame he ka hûgûnö nya ûnyi hnyi unyin eang ae mok?

²⁵ Inya oge me ole ka Khong deny Iesu Keriso a Tuhöta. Waleling mʼ inye bi athnyabainy hnanyibu anyin Khong ge hnyekuk: ke hnanyibu anyin hulo ge unyik.