Roma 4 - Iaai Bible 1901 (New Caledonia)

¹ ANYIN a wale, ate me he ka ha ieû ame wâ hnö Aberahama a kamöta hnyi unyin!

² Anyin adre ne haiwisai Aberahama ûnyi hnyi huliwa, me hu but kâu hnân ohobeluâ; ke ba bi ge Khong.

³ Anyin a ieû ame ha hna sihnalimen! Ka habe, Me Aberahama ame labageju ka Khong, me adre me hâiâ e kâu hnân hwakecin ae wisa.

⁴ Adre me ca ha a gʼ ame he ka kap hwaban ûnyi ge ibetengiö baû hnen at ame ânyâ huliwa, ke hnân bi bi hwaban.

⁵ Ke haba at ame ca huliwa, kʼ ame labageju thibi ka at ame haiwisa at ae kong hwakecin; baba anyin bi labageju, me adre me he ka ha a hnân hwakecin ae wisa.

⁶ Helâ me Davita ame hahnahicâ at hnen Khong hna haiwisa, ke ca ha biju huliwa, ka habe,

⁷ Hn ödra hnahic at ka ohia anyidra ta je hulo, Kʼ ame tube anyidra ta je monu.

⁸ Hnahic hnen at ame ca ha Than a ga monu but.

⁹ Haba hnahic eang, me hnân hobi kâu peritom, kʼ ame ne hobi kâu minya ca peritom? anyin a haingöta, ka habe, Adre me hâiâ labageju anyi Aberahama me hwakecin ae wisa bi.

¹⁰ Ke adre ma kâmâu he ka ha e? hawa hnyi anyin peritom, hawa hnyi anyin ca peritom? Ca hnyi peritom, ke so bi hnyi ca peritom:

¹¹ ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

¹² ke e kamen peritom minya ka tavat adre peritomoni ödra, ke hnyat minya adre me he hnyi hwadeny hnyeûcan labageju anyi Aberahama a kamöta, kʼ ödra tiga ca peritomonâ bi.

¹³ Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

¹⁴ Anyin a ne hwöhwaban hnen tavat a ödra hnyi hnanyibu, awe, e ûnyi baû bi labageju, kʼ ame ca ömanâ minya hna ha bânâ:

¹⁵ anyin a baba hnanyibu ame okûâ hmonyin; anyin ame ne ba hnanyibu, me ba minya hna hanyâûâ.

¹⁶ Anyin a wale me ûnyi hnyi labageju, me me he ka hoton ibetengiö baû; me me tethmâ hna ha bânâ hobi kâu je mâtrân hia; ca hake kodra hnyi hnanyibu thibi, ke kodra minya hnyi labageju anyi Aberahama, waleji a kamöta hia thithö,

¹⁷ (helâ me hna sihnalimen, ka habe, Oge hia but wiö u hnân kamen ta je hnyei ae se hia) hnyi hnyimakan Khong, at ame omelö hmetu thö tavat adre mokcu, me hâiâ ta je ûnyi ae ba, helâke me e but ang.

¹⁸ Waleji ae ba hnân gejon unyin, ke e ame labageju me gejon a e ame he ka kamen ta je hnyei ae se hia, hoton hna ha, ka habe, Ame he ka helâe je mâtrânâm.

¹⁹ Ke ca sënyin bi anyin labageju, kʼ ame ûnykûme bi unyin ae meleca thö walang ang (helâke me wan haded je hunainy) me tangen hnöku ga Sara ae meleca minya but:

²⁰ eke, e ame ca loloâ me ca labageju, kʼ ame wâ hmâ hna ha bânâ hnen Khong, ke e hwege bi ûnyi ge labageju, kʼ ume ogânâ Khong,

²¹ ame ûnykûme hmâ a e khana he ka ohwâdâ hnen hna ha bânâ.

²² Wale me me ha e kâu hnân hwakecin ae wisa.

²³ Ke adre ca sihnalimen hobi kâu e thibi, a gʼ adre ha ûnyi e hobi kâu e thibi;

²⁴ ke hobi köta minya, wale adre me he ka ha ûnyi eling köta, ate ne labageju kâu, waleji at a omeli Iesu a Tuhöta hmetu thö ûheny hnyi hna mok,

²⁵ waleji at adre hna but can anyita ta je hulo, ke adre omelö hmetu thö e hnân he ka haiwisʼ öta.