Roma 16 - Iaai Bible 1901 (New Caledonia)

¹ OGE me haisoi Febi köbun, a hanita, wale a huliwa ka ekalesia hnyi Kenikerea:

² möbun e he ka kap momo eling hnyi Than, helâ me hwakecin wakap, me öbun e he ka hadruâ e hnyi ta je ûnyi e ame he ka weny ûhadruo gabun hnyin: anyin a e at a hia but hadruâ tavat ae se hia, ke inya ang khaca.

³ Anyik talofa kö Perisila, me Akula li at ödre tha huliwa mönya ka Keriso Iesu,

⁴ waleji a li at ödre ip li nyidru me hnân hwabök; ca hake inya thibi oge me oleâ ködru, ke so bi ta je ekalesia hia minya anyin Aten ta je hnyei:

⁵ anyik talofa minya ka ekalesia hnyi umödru uma. Anyik talofa kö Epaineto a oûnykûmik, waleji wan a bân ka Keriso hnyi Asia.

⁶ Anyik talofa kö Maria waleji at ame huliwa gan hmâ hobi köbun.

⁷ Anyik talofa kö Anedroniko, me Junia, a li liamekeiny mönya, li at adre tha cʼ ödru mönya, li at ae lung unyin je aposetolo, a hodru unyin Keriso ka bilik bi.

⁸ Anyik talofa kö Amepelia a oûnykûmik unyin Than.

⁹ Anyik talofa kö Urbano, waleji at ame tha huliwa möhmun ka Keriso, me Sataki a oûnykûmik.

¹⁰ Anyik talofa kö Apele waleji adre haisoâ unyin Keriso. Anyik talofa ködrin hnyi lap anyi Aristobulo.

¹¹ Anyik talofa kö Herodiona a liamekeiny mönya. Anyik talofa ködrin hnyi lap anyi Nakiso, a ödrin unyin Than.

¹² Anyik talofa kö Trufaina me Trufosa, li at ödru me huliwa hnyi Than. Anyik talofa kö Peresi a oûnykûmik, waleji at ame huliwa gan hmâ ka Than.

¹³ Anyik talofa kö Rufo at a ûca Than, e me hinyen, a hinyök minya.

¹⁴ Anyik talofa kö Asungerito, me Felegona, me Herema, me Pateroba, me Hereme, me hnyat me lakeiny unyidrin.

¹⁵ Anyik talofa kö Filologo me Julia, me Nerea me haniny, me Olumepa, me wakap hia unyidrin.

¹⁶ Ûitalofaköu ju öbun ge ûcimhnyimak ae kap. Adre me italofa möbun ta je ekalesia anyin Keriso hia.

¹⁷ Inya oge me sumat Öbun hnyat me lakeiny, möbun e wâhmakhmetu ödra ju, waleji a tavat adre me okûâ imouköu me hnân öthöâ, wale ta je hwakecin ae ca ûcû bi me hnobun hna ûne: ke ûsâkâû mödrae

¹⁸ Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

¹⁹ Anyin ame lung hnobun hna ûling unyin tavat hia thithö. Anyin a wale inya oge me senyin gabun: ke e wek bi, a e so öbun e metâ but hnyi ta je ûnyi ae so, me ca khanʼ öbun ta je ûnyi ae kong.

²⁰ Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

²¹ Ame italofa möbun Timoteo at ame tha huliwa mönya; me Lukio, me Jasona, me Sosipatero je liamekeiny mönya.

²² Inya Teretio at ame sihnalimen tusi eang oge me italofa möbun hnyi Than.

²³ Ame italofa möbun Gaio, wale oge me laba unyin, me ekalesia hia. Ame italofa möbun Eraseto at ame tuö omjehen taun, me Karato a ke liamekeiny.

²⁵ Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

²⁶ ke manen dut walang ang, ke adre hia but omanenâ, ûnyi hnyi hna sihnalimen hnen ta je perofeta, ke hoton hna hûna hnen Khong a nyiele balua ka ta je hnyei hia, madre me he ka long hoton labageju;

²⁷ e so he ka ogânâ Khong, a hake e thibi at ae metâ, nyiele balua, a deny Iesu Keriso. Amen.