Roma 14 - Iaai Bible 1901 (New Caledonia)

¹ KAP dö at ae sënyin hnyi labageju, ca hnân he ka iwatretra hna loloâ.

² Anyin a ûnykûmenen ke at me so he ka an ta je ûnyi hia: ke haba ke at ae sënyin ame an thibi ta je ûnyi a kû hnyi kânâ.

³ Ca he at ame han ka hmiân at ame ca han, ke ca he at ame hnyi han ka ûnykûme at ame ca hnyi han: anyin a hia but Khong kap e.

⁴ Anyin a u ia at ame ûnykûme athnyabainy ke at? e ka tethmâ, ke e ka ū bi, me hamen tuhan bi. Eke, adre me he ka otethmâ e, anyin ae khana Than he ka otethmâ e.

⁵ Ke haba ûnykûmenen ke at, me beönua ke bong bon ke bong: ke haba ûnykûmenen ke at, me ûcû hia thibut je bong. E so he ka ve thamuâ wia hnyi je hnyekubun.

⁶ Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong.

⁷ Anyin ae ba ke at gata ame ka möt lû kâu, ke ba ke at ame ka mok bi kâu.

⁸ Anyin ate ne möt, ate me möt ka Than: ke ota ka mokcu, ate me mok bi ka Than: anyin a wale ate ne möt, ke ate ne mok, je lakeiny Than bi ota.

⁹ Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt.

¹⁰ Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong.

¹¹ Anyin adre hia but sihnalimen, ke habe, Haingen Than, ka habe, Kia inya inya, a gʼ adre me he hia ka ciboucâ könya Kʼ ame he ta je bohmen hia ka ve ogânâ Khong.

¹² Waleling mate me he hia ka ve ha hwakecita ka Khong.

¹³ Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

¹⁴ E khanö nya ke mou thö hnyi hnyekuk ga Iesu Keriso, ae ba ke ûnyi ame ka kong thiju: ke haba at ame ûnykûme ae kong ke ûnyi, me ka kong bi kâu.

¹⁵ Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu.

¹⁶ Wâ eâu, wâ adre nye haikongoâ anyibun so:

¹⁷ anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

¹⁸ Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at.

¹⁹ Anyin a wale, e so ate me he ka hnu hoton ta je ûnyi hnân ûsoköu, me ta je ûnyi hnân ûökahwaköuâ.

²⁰ Ca hagutâ huliwa anyin Khong can ta je jeû. E kalaöt ta je ûnyi hia; ke so bi e kong ka at ame han me hnân öhûkötö.

²¹ E so he ka ca hnyi han utiö, me ijem waina, me ânyâ ke ûnyi hnân öthöâ liamekeiny möu.

²² Haba ânyâm labageju, me so e me ka hu bi gam hnyi hnyimakan Khong. Hnahic hnen at ame ca ka hangâ e bi hnyi ûnyi e ame haisoâ.

²³ Ke haba at ame han me loloâ, me hulo but e, anyin a e ame ca han hnyi labageju; ka haba ta je ûnyi hia a ca ûnyi bi hnyi labageju, me wale hulo.