Roma 10 - Iaai Bible 1901 (New Caledonia)

¹ HNYAT me lakeiny lö, haba weny hnyekuk me hijik hic ka Khong hobi kodra, mʼ adre me he ka möt.

² Anyin a oge me ohnathoâ gadra a ödra tavat hwege huliwa ka Khong, ke ca hoton bi metâ.

³ Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

⁴ Anyin a Keriso obiny hnanyibu hobi kâu hwakecin ae wisa kodra hia adre me labageju.

⁵ Anyin a Mose ame sihnalimen a haba at ame ânyâ hwakecin ae wisa ûnyi hnyi hnanyibu, me ame he ka möt hnen e.

⁶ Ke haba hwakecin ae wisa ûnyi hnyi labageju ame ha helâng, ka habe, ca ha bi eû hnyi hnyekom, ka habe, Ie at ame he ka ölö hnyidranyai? (wale he ka hum Keriso but:)

⁷ ke, Ie at ame he ka utut ka hnyi dok ae dit? (wale he ka hum Keriso hmetu thö ûheny hnyi hna mok.)

⁸ Ke ieû ame ha? walang, E hakekeny köu hofuc, e hnyi hnyimâm me hnyekom; wale hofuciny labageju ohmun e khetâ:

⁹ anyin a u je ne he ka hâiâ Than Iesu ge hnyimâm, me labageju eû hnyi hnyekom a Khong ame omelö hmetu thö e ûnyi hnyi hna mok, awe, u me he but ka möt:

¹⁰ anyin a hnyok at ame labageju ke ne o but hnyi hwakecin ae wisa; ke hnyem at ame ha ke ne o but hnyi möt.

¹¹ Anyin a haingen hna sihnalimen, ka habe, Ame ca he ka hmehma at ame labageju kâu.

¹² Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

¹³ anyin adre me ha, Ame he ka möt hia tavat adre me hawâ ien Than.

¹⁴ Ke adre me he ka kâmâu ka hawâ e, kʼ adre me ca labageju kâu? ke adre me he ka kâmâu ka labageju kâu, kʼ adre me ca löng? ke adre me he ka kâmâu ka long, ke ba at ame khetâ?

¹⁵ ke adre me he ka kâmâu ka khet, kʼ adre me ca kunʼ ödra bi? helâ me hna sihnalimen, ka habe, Shaiba ge soiny je li cadra adre me hom je ûthumetu ae so onyen!

¹⁶ Ke adre me ca long hia hoton ûthumetu ae so. Anyin a haingö Isaia, ka habe, Than lö, ia ame kap anyihmun ûthumetu?

¹⁷ Awe, adre me labageju ûnyi hnyi hna long, ke adre me long ûnyi hnyi hofuc hwan Keriso.

¹⁸ Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

¹⁹ Ke inya oge me ha, ka habe, Hawa e ca khana at Isaraela? A bö Mose ka ha, ka habe, Oge me he ka oihunyinköu öbun ge tavat a ca hnyei hnathu bi, Oge me he ka ohmönyini öbun ge hnyei ae monu bi.

²⁰ Ke hwege Isaia me haingen, ka habe, Ame ō nya hnen tavat adre me ca elöm nya; Ke oge me manen dut ka tavat adre me ca hnei nya bi.

²¹ Ke e ame hâiâ at Isaraela, ka habe, Oge me lau li hnyamok hnyi je bong ka tavat adre me ca ûling, a tavat ivinoâ.